g a r o n . blogspot.com

Auglýsing

2006-10-22T16:07:00.000Z

Góður pistill

2006-09-14T17:43:00.000Z

Mikið djöfull er ég eitthvað sammála þessu hjá Jóni Gnarr...

Þetta finnst mér ekki bara eiga við um kvenréttindaumræðuna heldur einnig þegar ýmsir aðrir hópar eru að kvarta. Það er oft tilhneiging til að kenna öðrum um ófarir sínar.

Blogg bara til að blogga

2006-07-18T19:01:00.000Z

Jæja ég var orðinn leiður á síðasta bloggi sem blasti við manni og ákvað því að setjast og rita nokkur orð. Þetta eru að vísu ekki nýjustu fréttir en það er svo langt síðan að ég skrifaði eitthvað að ég verð að láta þetta duga í þetta skiptið.

Margt hefur drifið á dagana en eins og kom fram hér einhverntíman þá skruppum við skötuhjúin til Spánar í 12 daga og höfðum það gott. Gistum í íbúð vinkonu okkar en hún var staðsett í litlum bæ rétt fyrir utan Barcelona. Þetta var ekki hefðbundin pakkaferð eins og oft tíðkast heldur þurftum við að standa á eigin fótum frá A til Ö. Það var mjög þroskandi og skemmtilegt. Tungumálaörðugleikar voru töluverðir alla ferðina en spánverjar eru upp til hópa mjög lélegir í ensku(ef þeir þá tala hana yfir höfuð) en þeir eru hins vegar mjög góðir í spænsku. Við héldum dagbók alla ferðina og ég ætla að birta hérna bút úr einni færslu sem var skrifuð þegar stutt var eftir af ferðinni, á næstsíðasta degi nánar tiltekið:

Því næst tókum við lest til St. Andreu en starfsmaður á lestarstöðinni hafði sagt að "moll" sem þar er væri opið. En þegar við komum þangað eftir rúmlega hálftíma lestarferð og korters göngu í tæplega 30 stiga hita var "mollið" náttúrulega harðlokað! Í dag er sunnudagur og okkur hafði grunað þetta og því hafði ég spurt lestarstarfsmanninn til að vera öruggur, gerði það meira að segja tvisvar til að taka að af öll tvímæli. "Is the shopping center in St. Andreu open today?" "Yes" var svarið. Brosandi spanjólabjáni í rauðri skyrtu kinkaði kolli og sagði "Yes". Algjör fýluferð! Við vorum fólill vægt til orða tekið...

Maður gat náttúrlega hlegið að þessu síðar en þetta var bara eitt af mörgum dæmum um tungumálaörðugleika sem fyrir hendi voru. En þetta gerði það bara að verkum að maður þurfti að bjarga sér meira sjálfur. Maður þjálfaðist líka tölvert í látbragðsleik og hver veit nema að það eigi eftir að bjarga lífi manns einn daginn. Einu sinni þurfti ég að teikna ananas á munnþurrku á veitingastað til að koma ákveðnum skilaboðum áleiðis. Reynið bara að teikna ananas undir álagi og sjáum svo hver hlær...
Meira að segja geltu hundarnir þarna á spænsku en fyrir þá sem ekki vita þá er það ekki þetta hefðbundna "voff!" sem þekkjum svo vel heldur eitthvað svona, "voffó! voffó!" Fyrst sneri maður sér við og fannst þetta mjög skrítið en þetta vandist þó fljótt.

Hérna fyrir neðan er mynd tekin út garðinum fyrir utan íbúðina sem við gistum í:

Maturinn þarna var líka ævintýri útaf fyrir sig, svona svolítið eins og jólaævintýri eftir Hitler. Hérna fyrir neðan er mynd af rosa steik á dýrasta staðnum sem við borðuðum á:

Einmitt, rosa girnilegt. Kartaflan var betri en steikin.

En bjórinn var góður þarna, svona svipaður og annarsstaðar. Stundum fékk maður sér stóran:

Og einstaka sinnum lítinn:

Svo er hérna að lokum mynd af mér að fá mér salat:

Hahahahaha, ég er svo mikill grínari.

Annars ætla ég ekki að blogga meira í þetta skiptið því að ekki vil ég drepa lesendur úr hlátri. Einhversstaðar verður maður að draga mörkin.

Hér erum vid

2006-05-23T18:14:00.000Z

Erum í baenum Castelldefels...

Jaeja thad er tilefni til ad blogga smá hérna. Tilefnid er thad ad vid fengum loksins mat í dag sem vid vorum ánaegd med, thó erum vid búin ad vera hér í 6-7 daga. Maturinn gódi fékkst á Hard Rock Café. Spánverjarnir eru agalegir í eldamennskunni og fá falleinkunn ad ollu leiti á thví svidinu. Og svo taladi thjónninn ágaeta ensku sem er ekki sjálfsagt mál hér um slódir. Laet thetta duga núna...

Dear Spammer...*uppfært

2006-03-30T09:51:00.000Z

Ruslpóstur og óumbeðinn auglýsingapóstur hlýtur að vera einn leiðinlegasti fylgifiskur hins svokallaða veraldarvefs. Ég hef ekki farið varhluta af því og sennilega ekki þú heldur. Hér er skilgreining á ruslpósti eða "spam" á ensku:

"SPAM" mail is the practice of sending massive amounts of e-mail promotions or advertisements (and scams) to people that have not asked for it. Spam mail is controversial and there are many levels of definitions for it. Many times, spam e-mail lists are created by "harvesting" e-mail addresses from discussion boards and groups, chat rooms, IRC, and web pages.

Það eru til nokkrar gerðir af "spami" og flestar þeirra sem stílaðar eru á mig fara sjálfkrafa í "Junk" möppuna mína en einn og einn póstur læðist inn í "Inboxið" mitt og þá þarf ég að færa það handvirkt í "Junk" möppuna. Í 99% tilvika geri ég ekkert nema að færa ruslpóstinn í "Junk" möppuna því að þetta eru yfirleitt einhverjar "spamvélar" sem sjá um að senda þetta á fólk, semsagt það er yfirleitt ekki einhver maður sem er að ýta á "send" takkann þegar ruslpóstur er sendur.

Þessi pistill væri nú frekar þreyttur ef honum lyki núna, þess vegna ætla ég að segja ykkur frá einu tilviki þegar ég svaraði ruslpósti sem mér þótti sennilegt að á bakvið væri manneskja sem væri andlega vanheil og því vildi ég koma til hjálpar.

Til að gera langa sögu stutta þá hafði ég fengið nokkra pósta varðandi það að einhver útlendingur væri í einhverri krossför gegn tökuorðum í íslensku tungumáli. Ókei, ekkert að því í sjálfu sér en aðferðin við að kynna það var mér ekki að skapi. Viðkomandi sendi mér ruslpóst og það nokkra, of marga. Hér fyrir neðan eru samskipti mín við þennan ruslpóstmann. Persónur og leikendur eru að vísu þrír; ég, ruslpóstmaðurinn og prestur sem er í samstarfi við ruslpóstmanninn.

Svona leit einn pósturinn út sem ég fékk og ákvað að svara:

"Kæru vinir,

Þetta er grein um xxíslensku á alfræðinetinu (wikipedia): http://xxxxxxxxxxx
og söguna um fjallbarnið, son fjallkonunnar og bergrisans: http://xxxxxxxxxxxxxxxx

Ingibjörg Harðardóttir frá Belgalandi."

Ég ákvað að gera xxxx í slóðina hérna að ofan því að ég vil ekki hjálpa honum að auglýsa þetta bull. Já ég segi honum þó að hér að ofan standi Ingibjörg því að ég vissi, eftir stutta rannsókn, að þarna var maðurinn á bakvið ruslpóstinn að nota dulnefni.

Ég svaraði þessum ruslpósti svona. Stutt, laggott og á kurteisislegan hátt:

"Hættu að senda mér póst."

Þá fékk ég þetta svar:

"Dear Sir,

I am not a spammer, Sir. When someone answers I always write back. I
answer 500 mails from Iceladers every day. and every mail is different. I
type so fast that you can hear clicks (small sonic booms). This is a serious
message. Icelandic is dying!! We must purify him. I, timbur-Helgi
nýyrðaskáld have declared the war on loan-words!!

I will not view at the downfall of the Icelandic language without action.
Wipe out the loan-words!

I will not

Best Regards,
Jef"

Þetta var augljóslega ekki svar að mínu skapi og því ákvað ég að að svara aftur. Ég vildi ekki vera að flækja þetta neitt né að eyða miklum tíma því voru skilaboðin skýr frá mér, og enn á kurteisilegan hátt:

"Hættu samt að senda mér póst."

Þennan póst minn hér að ofan fékk ég endursendan frá einhverju sjálfvirku póstkerfi með þessum skilaboðum:

Final-Recipient: rfc822; i.hardhard@telenet.be
Action: failed
Status: 5.0.0
Diagnostic-Code: X-Postfix; host smtp-telenet.telenet-ops.be[195.130.132.43]said: 554 : Recipient address rejected: User Unknown (in reply to RCPT TO command)

Semsagt hafði þessi maður eitthvert kerfi sem blokkar sendingar á þau e-mail sem hann notar til að senda ruslpósta með, kann ekki að útskýra það öðruvísi. Þá varð ég að grípa til minna ráða því ekki mátti hann sleppa svona auðveldlega. Ég hafði séð á einni síðunni sem hann var með að íslenskur prestur var með honum í samstarfi í þessu göfuga verkefni. Ég ákvað að senda prestinum skilaboð:

"Sæll Pétur,

ég er mjög hrifinn af átaki Jefs og þíns varðandi hreinsun tökuorða úr íslensku. Ég hef mikinn áhuga á að hafa samskipti við þennan frábæra hollending og því spyr ég þig hvort að þú vitir tölvupóstfangið hjá honum því að tölvupóstfangið sem gefið er upp á síðunni "http://xxxxxxxxxxxx" er eitthvað bilað eða liggur niðri. Póstarnir sem ég hef reynt að senda á "hafronska@pandora.be" koma allir jafnharðan til baka. Veist þú um gilt tölvupóstfang hjá Jef?

Takk fyrir,
Gunnar Aron.
Áhugamaður um íslenska tungu."

Og vissulega svaraði presturinn um hæl:

"Blessaður og þakka þér fyrir áhugann á þessum málum hjá okkur Jef.
Rafrausið hans er uppi í kirkju hjá mér, og ég skal senda þér seinna í dag til þín og líka áframsenda þennan póst til hans, svo hann sjái þennan áhuga hjá þér:)
Ég er bara með takkatíkina heima hjá mér, og rafröflið á henni er ekki svo gott:(
Ævinlega velkominn í innlit í Óháða söfnuðinn:)

Kv Pétur"

Eins og sjá má var presturinn sjálfur allur hinn undarlegasti og gat/get ég ekki betur séð en að hann sé að nýta sér samskipti okkar til að fá mig í "Óháða söfnuðinn". Önnur tegund af spammara? Sjálfsagt ágætiskall en ég hafði öðrum hnöppum að hneppa.

Seinna um daginn kom þetta frá prestinum:

"Blessaður aftur.
Komst ekki inn á þrasþráðinn núna í dag en þú færð rafröflið í fyrra málið frá mér til Jef.

Kv Pétur"

Þannig að daginn eftir kom þetta:

"Blessaður Gunnar.
Sendi þér núna rafröflið til Jef, sem er fronkrakkanum@telenet.be
Endilega sendu honum hvatningarbréf og þakka áhuga þinn á málinu okkar.
Velkominn í innlit, þess vegna núna á sunnudaginn 26. marz kl. 14:00 í messu þá, þar sem ég ætla að eins að nota í ræðunni úr Pétrískunni:):)
með kveðjum Pétur"

...ekkert mál Pétur, ég skal senda honum hvatningarbréf...akkúrat.

En eins og presturinn hafði sagt í einu af e-mailum sínum til mín þá ætlaði hann að áframsenda hollendingnum póstinn minn sem presturinn fékk þar sem ég lýsti yfir áhuga mínum á verkefninu. Það gerði hann svo sannarlega því að ekki stóð á upplýsingaflæðinu frá hollendingnum Jef. Næst fékk ég þennan póst, hann var langur og leiðinlegur þannig að ég birti bara byrjunina:

"Dear Gunnar,

Thank you for your interest in Icelandic word-building. I can't write very fast in Icelandic so you will have to tolerate my English. At the moment I'm working on a project called the Fjörgynjaráætlunin, which implies the search for Icelandic names of the 100.000 major place-names in the world. We hope to get the job finished at the end of 2015..."

Þá svaraði ég:

"Dear Jef,

I just wanted to let you know that I have absolutely no interest in your Icelandic word-building. I just wanted to get your real e-mail so that I could use it to submit your e-mail address to all kinds of spam sites. You spammed me so I'm going to see to it that you will be spammed too. An eye for an eye. I replied to you before and told you to stop spamming me but you didn't listen so this is the only thing I can do now.

Have a wonderful life.

Regards, Gunnar."

Ég var semsagt búinn að gera ráðstafanir þannig að hann fengi yfir sig holskeiflu af ruslpósti.

Þá kom svar til baka:

"Dear Gunnar,

I'm sorry you see it that way. The difference between me and spammers is
that I answer every e-mail. I want you as a friend in the battle against
the impurities in the ICelandic language. See the Icelandic langauge on the
blogg-sites: beibí, júf got. Your mother-tongue will be destroyed if it
goes on like that for another 30 years.

I have comtact with Jónas Hallgrímsson in heaven and he told me to send
messages to Icelanders to stop this downfall. Do you consider a message
originating from your greatest poet as spam. I want to reach the superpoets
of Icelandic so that we could form a linguistic army against english
influence. Word-building is the most important thing in Icelandic society.
More important than your job or family. Sorry, that's the way it is. We
must fight, Gunnar, like the fallen warriors on the walls of valhöll.

I don't care whether you like me or not. If I have to pay the price that
all Icelanders find me an asshole in order to save your language from the
impurities, that is the price I will pay.

Best Regards,
Timbur-Helgi Hermannsson, nýyrðaskáld og tökuorðatortímandi (see picture
below)"

Þarna vill hann meina að hann sé ekki "spammari" og hann gangi erinda Jónasar Hallgrímssonar. Ég er nú enginn sálfræðingur eða geðlæknir en ég held að þetta hafi staðfest grun minn um að viðkomandi hollendingur er snaaaargeðveikur...

Um þetta leyti var ég farinn að hafa gaman að þessu, kannski vegna þess að grunur minn um óstöðugt andlegt ástand íslenskukrossfarans var staðfestur.

Ég sendi honum þennan póst að lokum:

"Dear fucking Jef,

if you say you are not a spammer, why do you then use so many different email addresses? I have tried to send you replies to many addresses like; i.hardhard@telenet.be, iceholio@pandora.be, hafronska@pandora.be and they are all bogus emails, my messages are returned with this text: "I'm sorry to have to inform you that your message could not be delivered to one or more recipients...." I had to con and lie to a priest to get this email address, fronkrakkanum@telenet.be.

Jef, read this very carefully: YOU-ARE-INSANE. Don't send me more of these bullshit emails. If you want to save the icelandic language you have to act like a normal human being while you are doing it. Nobody listens to a lunatic, I have direct contact with Elvis Presley and he told me to tell you this. Listen to the king and go to a psychiatrist.

Regards, Gunnar."

Þess má geta að ég hef ekki fengið fleiri pósta frá honum...né prestinum...

-------------------------------------------
=================*uppfært*=================
-------------------------------------------

Jef hefur skrifað hér í commentin hjá mér eins og sjá má en ég hélt nú fyrst að einhver húmoristinn væri að gera grín. Með aðstoð tækja og tóla fann ég út að IP-talan sem var á bakvið commentin var upprunnin frá Hollandi. Jef er búinn að vera með eintómar svívirðingar(sýnir hvað hann er óstöðugur andlega) og hefur greinilega misskilið það sem ég var að reyna að segja í bloggpistlinum. Hann heldur/hélt að ég hefði eitthvað á móti málstaðnum sem hann stendur fyrir, það er einfaldlega ekki rétt, ég er á móti aðferðinni sem notuð er við að kynna málstaðinn.

Jef lét sér ekki nægja að commenta hérna heldur sendi hann mér líka póst sem í stóð:

"Dear Gunnar,

Carefully look at these two pictures!"

Það fylgdu tvær myndir með póstinum og hér er önnur þeirra:

Ég sprakk úr hlátri þegar ég sá þetta. Venjulega myndi maður halda að hér væri um grín að ræða en einhvernveginn held ég að svo sé ekki, allavega ekki meðvitað. Hin myndin var bara dónaskapur og ekki þess virði að minnast á frekar.

Einhver bréfaskipti urðu eftir þetta en ég nenni ekki að tíunda það frekar en hér eru lokaorðin úr síðasta bréfi hans til mín:

"I WON'T SPAM YOU ANYMORE OK"

Testing...testing

2006-03-24T14:17:00.000Z

Er að prófa þennan "youtube" fídus, smellið á myndina og þá munu allir ykkar draumar rætast...

Ég er svo mikill spennufíkill...

2006-02-08T18:59:00.000Z

Múslimi
Af Wikipedia, frjálsa alfræðiritinu.
Múslimi er fylgjandi íslam. Múslim þýðir bókstaflega sá sem "sýnir undirgefni" eða "hlýðir" Guði.

Orðsifjar
Á arabísku kemur orðið "múslimi" úr þriggjastafa rótinni S-L-M, sem hefur merkinguna "friðsamleg undirgefni; að gefa sig; að hlýða; friður".

Önnur arabísk orð sem eru dreginn af S-L-M rótinni:
Islám sem þýðir "undirgefni/hlýðni," það er að segja undirgefni við Guð.

Salám sem þýðir "friður", og er algengt að múslimir heilsist með þessu ávarpi.
---------------------

Kaldhæðnislegt?

Stuðningur

2006-02-06T12:18:00.000Z

Ég skrifa ekki oft undir svona lista en ég finn mig knúinn til þess núna. Langbesta framlag sem komið hefur frá Íslandi til þessa í Eurovision. Mér finnst gáfulegra að eyða peningunum í þau heldur en eitthvað "týpískt eurovisionlag".

Styðjum Sylvíu Night og Þorvald Bjarna:

http://www.petitiononline.com/Silvia/petition.html

*ps. Hér er svo lagið ef þú varst ekki búinn að heyra það...

Mál málanna

2006-01-14T11:00:00.000Z

Ég bara verð að rita nokkur orð um það sem allir eru að tala um þessa vikuna, DV/Barnaníðingsmálið. Það vildi nú svo til að ég var staddur úti á landi megnið af vikunni, í plássi þar sem fjölmiðlar eru ekki framarlega í forgangsröðinni. Þessvegna gat ég eiginlega ekki sett mig inn í málið fyrr en á fimmtudagskvöld. Ég er búinn að skipta nokkrum sinnum um skoðun í málinu en þetta er niðurstaðan.

DV hefur frá upphafi stungið á kýlum og meðal annars fjallað um hluti sem einungis var fjallað um á kaffistofum landsmanna hér áður fyrr. Eini munurinn er að þeir vinda sér beint að efninu og segja hvernig staðan er, Jón Jónsson kennari er grunaður en ekki bara einhver kennari. Framsetningin kann oft að vera umdeilanleg en innihaldið er það sama. Hver kannast ekki við jólapakkana, það skiptir engu máli hvernig þú pakkar þeim inn, innihaldið breytist ekki. Sumir spyrja sig hvaða máli það skipti hvort einhver sé einhentur þegar hann fjallað er um hann. Það skiptir í sjálfu sér engu máli nema að því leyti að þannig staðan, maðurinn er einhentur. Það einkennir manninn. Hvernig hefði frétt um mál Michael Jacksons á síðasta ári átt að hljóma? Michael Jackson sakaður um kynferðisáreiti á börnum? Söngvari sakaður um kynferðisáreiti? Karlmaður sakaður um áreiti? Manneskja sökuð um að hafa brotið lög?

Fólk talar um að það eigi að fjalla öðruvísi um þann sem kærður hefur verið um glæp á Íslandi en þann sem hefur kærður glæp í útlöndum. Þvílík og önnur eins þvæla! Erum við ekki öll á sömu plánetunni hérna? Fyrir ekki alls löngu síðan birtist á síðum DV frétt um að þeldökkur rappari hér á landi væri kærður af tveimur stúlkum fyrir nauðgun, DV fjallaði um málið og reyndi að komast til botns í því. Þegar á leið komu þrjár aðrar stúlkur fram og kærðu hann einnig um nauðgun. Þetta er í raun nákvæmlega eins mál nema að því leyti að að rapparinn var ekki einhentur, ekki hvítur, ekki kennari og síðast en ekki síst þá drap hann sig ekki. Hvar voru lætin þá? Hvaða stjórnmálamenn skrifuðu á síður sínar þá? Hvar voru undirskriftalistarnir?

Öll mál fara gjörsamlega í pattstöðu þegar menn fremja sjálfsmorð. Það er í raun ekki hægt að rökræða almennilega um mál sem snerta þann látna án þess að sverta að einhverju leyti minningu hans. Fréttamaður á RÚV spurði ritstjóra DV tveimur dögum eftir að maður framdi sjálfsmorð afhverju þeir hafi ekki birt frétt á forsíðu um það að hann hefði tekið eigið líf. Að þessu var spurt í ásökunartón og eins og þeir væru að reyna að fela eitthvað með því. Ég er sannfærður um að þeir hefðu fengið enn fleiri ákúrur ef þeir hefðu gert það sem fréttamaður RÚV sakaði þá um að gera ekki. Semsagt ef þeir hefðu birt frétt á forsíðu um það að hann hefði framið sjálfsmorð þá hefði það kallast vanvirðing. Þetta kallast á ensku: "No win situation." Þegar einhver fremur sjálfsmorð þá eru málin einfaldlega komin í pattstöðu.

Menn hafa haft uppi stór orð um að DV hafi hreinlega hrakið manninn út í sjálfsmorð og að það hafi verið bein afleiðing af umfjöllun DV. Að DV hafi drepið manninn. Ekki veit ég það upp á hár en þeir sem telja sig vita mikið um málið segja að hann hafi drepið sig áður en hann hafi getað séð hvað í því stóð sbr. dánartíma. Að saka DV um að eiga hlutdeild að dauða mannsins er eins og að saka lögregluna um morð hér:

| 24.04.01 | 15:54
Svipti sig lífi
Lögreglan í Reykjavík hefur að undanförnu unnið að rannsókn á nýju fíkniefnamál. Var gerð húsleit vegna málsins í gærkvöldi á heimili grunaðs manns í Reykjavík samkvæmt úrskurði Héraðsdóms Reykjavíkur. Í tilkynningu frá lögreglunni í Reykjavík segir að hinn grunaði hafi verið viðstaddur leitina og meðan á henni stóð hafi sá hörmulegi atburður gerst að hann svipti sig lífi með skotvopni. Lögreglan segir að rannsókn á tildrögum þess að svona fór standi yfir svo og rannsókn á hinu ætlaða fíkniefnabroti. Í tilkynningunni, sem Hörður Jóhannesson yfirlögregluþjónn skrifar undir, segir að lögregla geti á þessu stigi ekki veitt frekari upplýsingar um málið.

Frá þessu er greint á Mbl.is.

Við munum aldrei vita upp á hár afhverju hann framdi sjálfsmorð en í mínum huga er það skýrt. Maðurinn sá fyrir sér að það sem honum hafði tekist að komast upp með í fjölda ára var að komast upp á yfirborðið. Þökk sé DV. Þó svo að ritstjórum DV hafi verið fórnað á nornabrennunni í þessari miklu histeríu þá geta þeir verið með góða samvisku gagnvart þeim framtíðarfórnarlömbum sem biðu örlaga sinna.

Í öllu falli er hægt að segja að umfjöllun DV um það sem er að gerast hér á þessu landi sé gróf. En hún verður aldrei grófari en það sem er að gerast þarna úti.

Gleðileg jól allir

2005-12-24T18:13:00.000Z

Brandari í anda jólanna...

Hver er munurinn á Jesú og mynd af Jesú?

Svar: Það þarf bara einn nagla til að hengja upp mynd af Jesú. Hahahahaha.... :/

Smá fróðleikur...

Hvers vegna er hátíðlegast hjá okkur á aðfangadag þegar við opnum pakkana, en á jóladag víða annars staðar?

Fæðingarhátíð Jesú Krists, jólin, er haldin 25. desember. Undirbúningur hátíðahaldsins er aðventan eða jólafastan og lokadagur hennar, 24. desember, nefnist hjá okkur aðfangadagur jóla. Nafnið er gagnsætt. Þá skal undirbúningi lokið og aðföng öll komin til hátíðahaldsins. Helgin hefst síðan um miðjan aftan eða kl. 18. Þá er orðið heilagt og í hönd fer jólanóttin.

Í þessu fylgjum við Íslendingar fornum sið. Helgidaga- og hátíðahald kristinna manna studdist upprunalega við gyðinglegt tímatal, en hjá þeim hefst dagurinn við sólsetur. Þetta kemur fram í sköpunarsögunni þar sem segir um hvern dag: „Það varð kveld og það varð morgunn ...“ Utan gyðinglegs landsvæðis var hins vegar ekki miðað við sólsetur heldur við miðaftan. Þetta er í fullu gildi hjá okkur um jólin. Um miðaftan 24. desember er orðið heilagt, jólin komin með aftansöngnum í kirkjunum, 25. desember runnin upp. Að loknum aftansöng hefst aðalveisla jólanna og eftir það eru pakkarnir opnaðir. Að fornu var aðalmessa jólanna um miðnættið eins og fram kemur í mörgum íslenskum þjóðsögum og hefur sá siður víða verið tekinn upp að nýju í þjóðkirkjunni okkar.

Okkar siðir eru skemmtilegir og styðjast við forna venju, en við þurfum jafnframt að gæta merkingar þeirra og láta jólahaldið sjálft ekki hefjast of snemma. Jóladagurinn er 25. desember. Við teljum hann renna upp kl. 18 þann 24. Sama gildir um aðra hátíðisdaga kirkjuársins og raunar sunnudagana líka. Hátíðin hefst um miðjan aftan daginn áður. Áður fyrr — og sums staðar enn meðal nágrannaþjóðanna — er kirkjuklukkum hringt um miðaftan á laugardögum og aðfangadögum hátíðanna til að minna á upphaf helginnar. Í fornum reglum sagði að hátíðirnar jól, páska og hvítasunnu ætti að hringja inn milli kl. 17 og 18 á aðfangadag þeirra. Ég held að þessi venja hafi lagst niður víðast hvar á landinu, en mér er í barnsminni þegar kirkjuklukkum í Reykjavík var hringt í klukkutíma á aðfangadögum hátíða.

*af Vísindavefnum.

Klámvæðing jólanna

2005-12-14T17:14:00.000Z

Feminstar hafa farið hamförum síðustu daga en ég hef eiginlega ekki tíma til að rekja þvæluna skref fyrir skref en ég varð bara að minnast á það nýjasta sem kom upp í dag.

Hér er verið að klámvæða jólin samkvæmt Feministum!!! Sjá mynd.

Hvar er húmorinn? Það er hægt að rangtúlka, oftúlka, mistúlka alla skapaða hluti ef viljinn til þess er nógu sterkur. Tökum til dæmis ljósastaura, er verið að gera grín að getulausum karlmönnum þar? Hreinasta móðgun!

Við hvað gera þau athugasemd næst? Þá staðreynd að allir eru allsberir undir fötunum?

Hvað er þetta með Bush og skalla?

2005-12-02T12:56:00.000Z

George W. Bush er einn af þessum mönnum þar sem maður bókstaflega sér hversu heimskur hann er.

...?

2005-11-28T15:21:00.000Z

Fullyrðingin hér fyrir neðan er sönn.

Fullyrðingin hér fyrir ofan er lygi.

Ávarp

2005-10-04T19:36:00.000Z

Góðir íslendingar!

Ég bið ykkur öll að minnast áa okkar og ættjarðar.

Megi blessun Guðs og gjöful náttúra færa Íslendingum gæfu um alla framtíð.

Varist hljóðláta trompetinn, og munið, að á bakvið fjallið er annað fjall.

Siðleysið er algjört

2005-06-30T19:52:00.000Z

Hvernig hljómar þetta?

Vasaþjófur nokkur fór niður í miðbæ með þeim ásetningi að ræna veskjum af einhverjum vegfarendum til þess að græða á því peninga að sjálfsögðu. Þetta tókst hjá honum, þ.e.a.s. hann náði nokkrum veskjum og taldi sig vera í góðum málum. Þegar heim var komið fór hann að líta í veskin og komst þá að því að það voru engir peningar í veskjunum heldur bara gamlir bíómiðar og eitthvað annað drasl.

Til allrar lukku náðist athæfi vasaþjófsins á myndband og lögreglan náði að handsama hann. Auðvitað fékk hann viðeigandi refsingu fyrir athæfi sitt, refsingin var í formi peningasektar og skilorðsbundins fangelsisdóms. Augljóst þótti að maðurinn maðurinn hafði sýnt fram á einbeittan brotavilja.

Hann borgaði sektina á gjalddaga því að hann vildi ekki borga dráttarvexti af sektinni.

En nú er svo komið að hann ætlar í mál við yfirvöld og fara fram á skaðabætur vegna þess að honum var refsað fyrir glæp sem hann hagnaðist ekkert fjárhagslega á.

Þetta er náttúrulega svo heimskulegt að þið haldið að ég sé að verða skrýtinn að skálda svona fáránlega sögu. En bíðið hæg, þetta gerðist í raun og veru...

Frétt tekin af www.visir.is í dag, 30. júní 2005.

Essó vill sektir felldar niður
Eignarhaldsfélagið Ker, sem á olíufélagið Essó, ætlar í dag að stefna ríkinu og samkeppnisyfirvöldum til að fá sektir fyrir ólöglegt samráð felldar niður, þar sem ný skoðun leiði í ljós að félagið hafi ekkert grætt á samráðinu.
Í úrskurði áfrýjunarnefndar samkeppnismála frá því í janúar voru olíufélögin Olís og Skeljungur,líka sektuð. Essó var sektað um tæpar 500 milljónir króna. Til vara ætlar Essó að krefjast þess að sektin verði felld niður eða stórlega lækkuð. Esso telur að endurskoðun málsatvika leiði í ljós að félagið hafi engan fjárhagslegan ávinning haft af samráðinu.
Essó ásamt hinum olíufélögunum, bað viðskiptavini sína innilega afsökunar á verðsamráðinu í heilsíðuauglýsingum eftir að Samkeppnisyfirvöld sektuðu þau fyrir ólöglegt samráð á kostnað viðskiptavina sinna. Neytendasamtökin eru einmitt i dag að láta þingfesta mál á hendur Essó fyrir hönd félagsmanns sína sem er fyrrum viðskiptavinar Essó og á hann nótur langt aftur í tímann. Málið höfðað á grundvelli þess að Essó hafi framið brot á samkeppnislögum og hafi bakað sér bótaábyrgð á grundvelli EES samningsins. Ekki náðist í neinn hjá Ríkislögreglustjóra fyrir fréttir, sem gæti sag hvað líði rannsókn þess embættis á samráði olíufélaganna.

Tekið af: http://www.visir.is/?PageID=38&NewsID=46507

Túarbrögð

2005-06-16T12:05:00.000Z

Ég er lítið að blogga þessi misserin en langar að copy/paste-a þessu hérna inn sem ég las á síðu vinar míns Sævars. Vona að hann fyrirgefi mér það...í Jesú nafni...

Í kjaftæðisdeildinni komast sölumenn ekki í hálfkvisti við hina geistlegu.

Ég verð bara að segja það hreint út. Þegar kjaftæði er annarsvegar, pípandi, kolruglað kjaftæði, þá verðum við hreinlega að taka ofan fyrir fyrir ævarandi heimsmeisturum falskra loforða og ýktra fullyrðinga, trúarbrögðunum. Þau eiga sér engan keppinaut. Ekki nokkurn. Trúarbrögðin. Þau eiga sér þá almögnuðustu lygasögu sem nokkurntíma hefur verið sögð. Spáið bara í það. Trúarbrögðin hafa í alvöru náð að sannfæra fólk um að það sé til ósýnileg mannleg vera sem býr í himninum og fylgist með öllum gjörðum okkar, hverja mínútu hvers einasta dags. Og þessi mannvera hefur útbúið sérstakan tíu atriða lista yfir það sem hann vill ekki að við aðhöfumst. Og ef við gerum eitthvað sem er á listanum hefur hann útbúið handa okkur sérstaka vistarveru fulla af eldi og reyk, bruna, pyntingum og angist og þangað sendir hann okkur til að hafast við og kveljast og brenna og kafna og gráta til eilífðarnóns.

En hann elskar okkur. Hann elskar okkur og þarfnast peninga. Alltaf skal hann þarfnast peninga! Hann er almáttugur og alvitur, en af einhverjum ástæðum kann hann ekkert með peninga að fara. Trúarbrögð afla tekna upp á milljarða og aftur miljarða og borga ekki neina skatta, en þurfa alltaf aðeins meiri peninga. Talandi um góða lygasögu. Andskotinn hafi það!

George Carlin

Svo setur maður þrjú orð í Google; prestur - altari - drengur og þetta eru niðurstöðurnar. HÉR

Guð blessi ykkur...

Veð eröm bester!

2005-05-26T11:28:00.000Z

Svo að lokum er hér tilvitnun í spjallborð ManUtd.is, sent inn í hálfleik:

Sent inn: 25. maí 2005 - 19:34 : Milan að vinna

--------------------------------------------------------------------------------

Ágætis leikur verð ég að og ég er virkilega ánægður með þetta verð ég að
segja.
Staðna orðin 3-0, Maldini og Crespo 2 (Chelsea hlýtur að vera ánægðir
en verðið hlýtur að hækka núna).

Liverpool að tapa og það hefur mér
alltaf þótt gott en ég hef aldrei viljað þeim eitthvað gott og nú verða þeir í
UEFA Cup á næsta á ári enda eiga þeir heima þar þegar þeir lenda í 5 sæti í
ensku deildinni.
Mér líður bara vel og loksins lið að vinna sem ég held með
í vetur, úff ég er fegin að þessi leikur er að fara svona.

Svo er hér póstur á sama þræði sem var sendur inn í seinni hálfleik:

Sent inn: 25. maí 2005 - 20:08 :

--------------------------------------------------------------------------------

NNEEEEEIIIIII !!!! guð bæn hey mig ekki láta liverpool vinna !!! það er
oðið 3 -3 !!
_________________

Ekki fokka í okkur bikarlausu menn!!!

Þeir segja...

2005-05-21T11:41:00.000Z

Þeir segja að þrítugsaldurinn í dag sé hinn nýi tvítugsaldur...

Google lýgur ekki

Góða helgi.

Hvurslags holning er þetta nú bara???

2005-05-19T09:15:00.000Z

...róleg á hallærisleikanum.

Kristi Himmalsferðadagurinn

2005-05-05T11:25:00.000Z

Já það er uppstigningadagur í dag eins og fyrirsögnin segir. Einhverntíman var logið að mér að uppstigningadagur myndi útleggjast á færeysku "jesúfertilhimnaferðalagadagurinn" en ég hef aldrei séð eða heyrt það í ræðu né riti síðan þannig að ég held að það sé bara kjaftæði, en hugmyndin var góð.

Nú er rúmur mánuður síðan ég setti eitthvað hérna inn og það mætti segja mér að bloggferillinn sé mikilli niðurleið þessi misserin og ég get ekki séð að hann sé eitthvað á leiðinni upp aftur á næstunni því að sumarið er að smella á og þá verður maður sennilega minna við tölvuna. Sjáum til.

Það hefur verið mikið að gera í vinnunni og ég er búinn að læra mikið um fasteignaviðskipti á þessum tveimur mánuðum sem ég hef verið í þessari vinnu. Að vísu hefur það tekið mikinn tíma að taka fólk í atvinnuviðtöl og er lúmskt gaman að því að vera hinum megin við borðið hvað þetta varðar. Maður hefur stundum átt bágt með sig að fara ekki að hlæja þegar maður sér hvernig fólk bregst við þegar það er stressað og þarf að innbyrða mikið af upplýsingum á stuttum tíma. Það virðist til dæmis vera mjög sterkt í mannskepnunni að viðurkenna ekki fávisku sína heldur reyna að láta líta svo út að allt sé "under control". Maður hefur nú svosem oft verið í þeirri aðstöðu í lífinu þó svo að ég reyni að halda því í lágmarki. Það er fátt leiðinlegra en að hlusta á fólk sem þykist vita eitthvað. Heimspekingurinn Sókrates lagði mikið á sig til að rannsaka þennan þátt í mannskepnunni og uppskar dauðadóm fyrir....minnir mig....þannig að þetta er ekkert nýtt af nálinni.

Ég vona að ég sé ekki sá eini sem á eftir að taka nagladekkin undan bílnum en það hefur eitthvað verið á reiki hvaða lög og reglur gilda um sektir hvað þetta varðar þannig að ég fór á stúfana og þetta er niðurstaðan:

Ráðherra virðist hafa heimild í umferðarlögum til að setja reglur um búnað ökutækja

VIII. Um ökutæki.
Gerð og búnaður.
59. gr. [Ökutæki skal svo gert og því haldið í þannig ástandi að nota megi án þess að af því leiði hættu eða óþægindi fyrir aðra eða skemmd á vegi.]1)
Eigandi eða umráðamaður ber ábyrgð á, að ökutæki sé í lögmæltu ástandi.
Ökumaður skal gæta þess, að ökutæki sé í góðu [ástandi].1) Sérstaklega skal þess gætt, að stýrisbúnaður, hemlar, merkjatæki og ljósabúnaður séu í lögmæltu ástandi og virki örugglega. Sama á við um eftirvagn og tengitæki, svo og tengingu þeirra og tengibúnað.
1)L. 44/1993, 14. gr.
60. gr. [Ráðherra]1) setur reglur2) um gerð ökutækja og búnað þeirra og öryggis- og verndarbúnað fyrir ökumann og farþega, svo og hvaða áletranir og merki skuli setja á ökutæki vegna skráningar eða eftirlits.

Þá er að skoða reglugerð ráðherra, tók það helsta úr

16.02 Hjólbarðar með nöglum eða keðjum.
(1) Þegar snjór eða ísing er á vegi skal hafa snjókeðjur á hjólum eða eftir akstursaðstæðum annan búnað, t.d. grófmynstraða hjólbarða (vetrarmynstur), með eða án nagla, sem veitt getur viðnám. Óheimilt er að nota keðjur þegar hætta er á að það valdi skemmdum á vegi.
(6) Keðjur og neglda hjólbarða má ekki nota á tímabilinu frá og með 15. apríl til og með 31. október nema þess sé þörf vegna akstursaðstæðna.

Aha! Hvenær er þörf?

Og hér er reglugerðin sem kveður á um sektir vegna brota á umferðarlögum

VIII. KAFLI (59. – 70. gr.). Um ökutæki.

59. gr. Gerð og búnaður (sbr. 1. mgr. 60. gr.):
1. mgr.: Hætta eða óþægindi leiða af ökutæki 5.000
-hélaðar rúður 5.000
2. mgr.: Gerð og búnaði ökutækis áfátt.
Eigandi/umráðamaður:
a) Áletranir eða merki 5.000
b) Stýrisbúnaður 10.000
c) Hemlar 10.000
d) Ljósker eða glitaugu 10.000
e) Aðbúnaður ökumanns eða farþega 5.000
f) Útsýn 5.000
g) Öryggisbúnaður 5.000
h) Hraðamælir 5.000
i) Hjólabúnaður
- fyrir hvern óhæfan hjólbarða 5.000
- nagladekk án heimildar 5.000
j) Tengibúnaður 10.000
k) Búnaði fyrir farm áfátt 10.000
l) Hljóðmerkisbúnaður 5.000
m) Útblásturskerfi í ólagi 5.000
Ökumaður: Helmingur af tilgreindri upphæð
Reiðhjól:
a) hemlabúnaði áfátt 5.000
b) ljósum og glitmerkjum áfátt 5.000
c) annað 5.000

Þannig að þá er málið að vera alltaf með það á hreinu á hvaða heiðum er snjór og hálka þangað til maður setur sumardekkin undir og segjast vera á leiðinni þangað ef löggan stoppar mann.

Gríningur

2005-03-27T18:46:00.000Z

Kílówattastundir djöfulsins

2005-03-22T15:50:00.000Z

Í tilefni viðbjóðslegs rafmagnsreiknings sem kom til mín í dag fór ég á stúfana og fann þetta hér að neðan, langaði að deila því með yður ef ég mætti. Einnig fann ég þetta fyrir þá sem vilja sleppa við seðilgjöldin ef greitt er á heimabanka.

Hver er annars meðalnotkun/áætlun lesenda hér á mánuði? Mín(áætlun) var að hoppa uppí 272 KWh fyrir mars, ætli það sé mikið eða lítið? Áætlun í janúar var 186 KWh þannig að þetta er mikil aukning. Ég var að borga rúmlega 2.000 kall í rafmagn á mánuði en um næstu mánaðamót þarf ég að borga 5.800 kall vegna uppgjörs.

Þeir geta í raun rukkað mann um hvað sem er því hvernig á maður að sannreyna notkunina? Ég vissi nú að maður væri orkulaus yfir skammdegismánuðina en það virðist vera að maður sé farinn að soga rafmagnið úr innstungunum hérna til að halda sér gangandi.

Ekki skemmtilegasti bloggpistillinn hingað til en hvað um það.

Hvernig spara ég rafmagn?

Slökkvið á eftir ykkur
Munið að slökkva á eftir ykkur. Oft loga ljós að óþörfu þar sem engin hefst við. Slíkt getur einnig skapað eldhættu.

Þvottavélin
Fyllið vélina af þvotti. Það kostar álíka mikið að þvo lítinn og mikinn þvott. Hafið ekki of hátt hitastig. Vélin notar 30% minni orku, ef hitinn er lækkaður um þriðjung. Sleppið forþvotti, ef þvotturinn er lítið óhreinn. Það sparar 20% orku. Skolun með köldu vatni fyrir þvott getur sparað orku. Hvort sem um er að ræða þvottavél fyrir klæðnað eða leirtau, er hægt að sleppa forþvotti fyrir vikið.

Þurrkarinn
Vindið þvottinn sem best áður en hann er settur í þurrkarann Hreinsið lósíuna eftir hverja notkun. Setjið hæfilegt magn af þvotti í þurrkarann, hvorki of mikið né of lítið. Hvort tveggja veldur meiri orkunotkun en ef þurrkað er hæfilegt magn í einu. Notið sparnaðarstillingu þegar henni verður við komið.

Örbylgjuofninn
Tími og orka sparast þegar matreitt er í örbylgjuofni. Það tekur 7 mínútur (0,14 kWh) að matreiða 250g af kartöflum í örbylgjuofni, en 25 mínútur (0,22 kWh) á eldavél. Notið eldunaráhöld sem henta örbylgjuofninum. Sjóðið eða hitið matinn í lokuðum ílátum, þannig helst hitinn betur á matnum og orka sparast. Með því að nota lítið vatn þarf styttri suðutíma. Oft er hægt að sleppa vatninu alveg þegar matreitt er í örbylgjuofni.

Eldavélin
Gætið þess að potturinn sé hæfilega stór á helluna. T.d. fer 20% orkunnar til spillis ef potturinn er 2 cm minni í þvermál en hellan. Ósléttur botn á potti eða pönnu getur valdið 40% meiri rafmagnsnotkun. Notið þétt lok á pottinn og takið það ekki af meðan soðið er. Ef lokið er ekki á pottinum þarf tvöfalt meiri orku en ella. Það þarf tvisvar til þrisvar sinnum meiri orku að glóðarsteikja í ofninum en að steikja á hefðbundinn hátt.

Ísskápurinn
Hæfilegt hitastig í kæliskápnum er 4-5°C. Rafmagnsnotkun eykst um 4% fyrir hvert stig sem hitinn er lækkaður. Gætið þess að loftræsting sé nægjanleg bak við kæliskápinn. Léleg loftræsting getur valdið 5-10% meiri rafmagnsnotkun. Kæliskápa sem ekki eru með sjálfvirka afhrímingu þarf að þíða reglulega.

Gleymd notkun
Mörg heimilistæki nota rafmagn jafnvel þó að þau séu ekki í gangi. Þetta eru tæki sem búin eru fjarstýringu og eru tilbúin til að hlýða skipun frá henni t.d. sjónvörp, hljómtæki, myndbandstæki o.fl. Öll þessi tæki auka orkunotkunina. Þó svo að þau taki lítið afl er oftast kveikt á þeim allan sólarhringinn allan ársins hring.

Sjónvörp
Í sjónvarpi getur aflið, sem tækið notar þó slökkt sé á því með fjarstýringu, verið frá 3 til 18 Wött sem þýðir að orkunotkun þessa tækis verður milli 25 og 160 kWh á ári ef tækið er í sambandi allt árið. Þessa eyðslu má spara með því að slökkva alveg á sjónvarpinu auk þess sem það minnkar hættu á íkveikju.

Myndbandstæki
Myndbandstæki sem stjórnað er með fjarstýringu notar um 100 kWh á ári. Það að slökkva alveg á myndbandstækinu hefur bæði kosti og galla. Ef slökkt er alveg á tækinu sparast þessar 100 kWh en á móti þarf oft að endurstilla klukku og dagsetningu þegar kveikt er næst.

Önnur tæki
Spennar fyrir amerísk 110 volta heimilistæki nota orku þó svo að þau séu ekki í gangi. Þá er rétt að átta sig á því að ýmis tæki gætu verið tengd án þess að við munum eftir því t.d. loftnetsmagnarar, rafmagnsklukkur og klukkur í ýmsum tækjum eins og t.d. í örbylgjuofnum, eldavélum og útvarpsklukkum.

Langaði bara að...

2005-03-21T16:52:00.000Z

...segja Hæ. Alive með Pearl Jam hljómar nú í eyrum mér á meðan ég rita þessi fyrstu orð og það á vel við, ég held að ég sé að lifna við. Er búinn að vera heiladauður nánast síðustum misseri og hef ekki fundið ástæðu til að vera mikið að tjá mig. Það er reyndar ekki nein sérstök ástæða núna heldur nema sú kannski að stundum verður maður bara að láta vita að maður sé til. Get varla útskýrt það öðruvísi. :)

Byrjaði í nýrri og spennandi vinnu með skólanum um mánaðamótin síðustu og er núna titlaður gæða- og starfsmannastjóri á fasteignasölu hér í borg, og svo var ég að frétta það í dag að ég muni vera vefstjóri yfir sjö misstórum vefsíðum á þeirra vegum þannig að það ætti að vera nóg að gera á næstunni. Eins og sést þá er mikið af stjóratitlum í þessu en það er nú bara fyndið og skiptir engu máli en þó segir það meira en orðið fulltrúi. Ég var tryggingafulltrúi í Tryggingastofnun Ríkisins en ég vissi aldrei hvað orðið fulltrúi þýddi almennilega. Stjóri stýrir en hvað gerir fulltrúinn? Fulltrúir hann? Trúir hann á fullu? Hvað er til dæmis markaðsfulltrúi?

Hér er Draumadeildin, nennti ekki að föndra mynd copy/paste verður að duga:

Lið í þessum hóp Stig Stig í síðustu umferð

Butts_BlingBling 2780 340 [Eyða þessum úr hópnum]
kingpin fc 2620 490 [Eyða þessum úr hópnum]
Góðbjór Albions 2620 340 [Eyða þessum úr hópnum]
Komaso! 2610 320 [Eyða þessum úr hópnum]
Mendozas fat dogs 2610 300 [Eyða þessum úr hópnum]
Wengers understudy. 2550 280 [Eyða þessum úr hópnum]
Hudz F.C 2540 290 [Eyða þessum úr hópnum]
Winchtestertonf 2540 460 [Eyða þessum úr hópnum]
F.C Tinni 2500 340 [Eyða þessum úr hópnum]
Gúrkan 2400 410 [Eyða þessum úr hópnum]
Ólafsrauður 2010 300 [Eyða þessum úr hópnum]

Sævar er á toppnum, Haddi í duftinu. Aðrir eru þar á milli. Punktur.

Speki í lokin:
Lífið er allt í strikum, á maður að forðast þau eða á maður að fara yfir þau? Á maður að taka sénsa?

Draumadeildarupdate

2005-03-02T19:11:00.000Z

Ég er enn að ráfa um í bloggeyðimörkinni og ekkert vatnsból að sjá. En hér er nýjasta update í Draumadeildinni, staðan hefur heldur betur breyst:






Hver er Folar Fc???

H-karl

2005-02-10T11:59:00.000Z

Jæja lífið æðir áfram eins og stjórnlaus göngugrind og lítið hægt að gera við því.

Ég er búinn að vanrækja update á Draumadeildinni en nú er komið að úrbótum. Hér eru úrslit síðustu helgar og staðan eins og hún er í dag:

Eins og sést þá ætti þessi mynd að snúa akkúrat öfugt þetta ætti að vera í einhverju samhengi við gengi liða fyrir áramót. Nema Ólafsrauður, hann er á sínum stað. Guðni/Fat Dog... er á toppnum eins og er og Höddi/Hudz bróðir hans skrefinu á eftir. Palli/Winchtestertonfieldville Wallabees fengu fæst stig og verður að segjast að brokkgengið er mikið á þeim bænum. En ég get nú lítið sagt víst því að ég er næstlægstur, en það mun breytast áður en yfir líkur. Mér sýnist umferð helgarinnar ætla að vera frekar erfið því spái ég miklum sætaskiptum eftir hana. Sjáum til.

Þorrablót í sveitinni á laugardaginn. Hefur gjarnan verið mikið um kæsta hákarla og æsta karla, spurning hvernig þetta verður núna.

Hér má hins vegar sjá æstan hórkarl:

Þetta var nú sérdeilis fyndið.

Annars er lítið að frétta, nú eru kosningar í H.Í.. Fjórir listar berjast um sæti í Stúdentaráði og einhverju fleiru. Ég get ómögulega æst mig mikið yfir þessum kosningum frekar en öðrum pólitískum kosningum en hef þó tekið afstöðu með Vöku aðallega vegna þess að ég þekki nokkra mæta menn sem styðja Vöku og því er ég í raun að styðja þá frekar en aðra. Viðurkenni það fúslega að ég er hálfgerður vindhani í þessari háskólapólitík og fer frekar eftir tilfinningu en málefnum. Málefnin eru nú líka ósköp svipuð eftir því sem ég fæ best séð, enda er það eðlilegt, allir að vinna að því sama og rótgróin pólitísk hugmyndafræði(sbr. hægri-vinstri) kemur málinu ekki við. Allavega er enginn að boða einkavæðingu eða eitthvað álíka, enda væri það svolítið kjánalegt að einkavæða klósettin eða ljósritunarvélarnar...eða hvað?

Skrýtnivísitalan

2005-01-27T01:51:00.000Z

Ég virðist vera svona þokkalega normal, bjóst samt við að ég væri meiri meðaljón. Vill einhver vera meðaljón? Viltu meðal Jón? Jæja hafðu það eins og þú vilt.

Taktu prófið með því að smella á myndina neðst í pistlinum og segðu svo frá í comment.

Thanks for taking the Weird Quotient test

Your score is:

Of all the weird test takers:

61% are more weird,
11% are just as weird, and
27% are more normal than you!

Loðinn lúsífer

2005-01-17T14:15:00.000Z

Þó að ég sé ekki í miklu bloggstuði þessa dagana þá finn ég mig knúinn til að halda áfram birtingu á vikulegum úrslitum í Draumaleiknum sem við nokkrir félagar erum að keppa í til dægrastyttingar.

Leiknum var skipt í tvennt, fyrri og seinni umferð, og lauk fyrri umferð um áramót. FC Hudz(Höddi frá Lyngási) skaut eldri og reyndari mönnum ref fyrir rass á lokasprettinum og sigraði semsagt þessa fyrri umferð. Ég þykist vita að aðrir keppendur séu ekki alveg sáttir við þessi úrslit og ætli að hefna ófaranna, ég er þar á meðal. Eins og sést á færslunni frá 23. des 2004 þá var ég efstur og nokkuð brattur með mig en allt kom fyrir ekki.

En nú er búið að núlla allt heila klabbið og þá sitja allir við sama borð á nýju ári. Þeir sem voru í neðri hlutanum í hópnum hljóta að vera hæstánægðir með þetta fyrirkomulag, t.d. Gúrkan(Bjössi) og Butts_BlingBling(Sævar fjallahundur).

En eins og sjá má hér á myndinni fyrir neðan þá skeit ég á mig bleyjulaus í þessari fyrstu umferð ársins og er langneðstur. Ég gæti kannski reynt að koma með einhverjar afsakanir en þegar öllu er á botninn hvolft þá valdi ég bara vitlaust í liðið. Ég er vanur því að fara ekki alveg hefðbundnar leiðir í mannavali þegar ég er að keppa í svona leikjum og það hefur reynst mér happadrjúgt hingað til þó að stöku sinnum klikki það eins og t.a.m. núna. Mér til málsbóta þá get ég upplýst um það að ég er með tvö önnur lið í Draumaleiknum og annað þeirra fékk 480 stig, sem hefði dugað til að lenda í öðru sæti í hópnum Apollon eftir þessa umferð.

En semsagt FC Tinni(Ívar Örn frá Hellu) er maður vikunnar en það má í raun segja að þeir sem náðu yfir 400 stiga múrinn séu yfirmennirnir þangað til að næsta umferð rennur upp.

Ég vil taka það fram að ég þoli ekki að byrja illa í keppnum sem þessum. Þetta minnir mig á þegar maður fer í golfmót í góðum fíling og ætlar að vanda sig og vera skynsamur, 18 holur framundan, 5 klukkutímar af vonandi góðu golfi en svo fær maður sprengju á fyrstu holu og eyðileggur skorið gjörsamlega. Dagurinn ónýtur. Þetta minnir mig semsagt á það en það sem bjargar þessu varðandi þennan Draumaliðsleik er að keppinautarnir eru svo miklar pissudúkkur að það er ennþá góður möguleiki að sigra þetta...

Æ

2005-01-07T11:56:00.000Z

Tók bloggpennann úr öskjunni, settist við bloggborðið og ætlaði að blogga. Þetta er útkoman. Blogggyðjan hefur yfirgefið mig.

Sérstaklega fyrir Björn

2004-12-28T14:44:00.000Z

Síðasta umferð fór þannig að Bjössi og Gúrkan fengu 600 stig og þar af leiðandi flest stig af þeim sem eru í hópnum Apollon. Ég er enn efstur og jók forskot mitt. Ánægður Björn?

Það er önnur umferð í dag og á morgun, ég held að það sé síðasta umferð ársins og því má segja að keppnin sé hálfnuð. Sjáum til hvort að ég taki ekki nettan pistil að þeirri umferð lokinni.

Greetings!

2004-12-23T13:56:00.000Z

Hæ og hó. Hó hó sagði jólasveinninn og hló. Jájá. Ég er ekki enn kominn í jólaskap en fékk svona snert af því þegar ég heyrði "Last Christmas" með Wham í útvarpinu áðan. Svo kláraðist lagið og jólaskapssnerturinn hvarf. Það sem kemur fyrst upp í hugann á mér þegar minnst er á jólin er Visa og aukakíló. Þá er ég búinn að afgreiða það.

Það blasti við mér ánægjuleg sjón á síðunni www.draumalid.is þegar ég kom heim úr síðasta prófinu á þriðjudaginn, þetta var það sem blasti við:

Já það virðist sem ég sé kominn á toppinn eins og ég spáði fyrir nokkru, það eina sem kom mér á óvart var hvað ég var lengi að ná honum...híhíhí. Þeir sem ekki náðu 400 stigum eru sjálfsagt hundsvekktir og þeir mega vera það því að Ólafsrauður náði 420 stigum, segir meira en mörg orð . Hef aðeins eitt að segja við samhópsmenn mína í Apollon: "Reynið að venjast þessu, þetta er varanlegt ástand ekki tímabundið, kallinn er kominn með permanent!"

Reyndi svo að leggja mig á þriðjudeginum og náði ca. 15 mínútna kríu úr þeim tilraunum, svo var "botninn upp" á þriðjudagskvöldið. Það fór allt vel fram en það var svolítið skrýtið að vera svona föstudags/laugardagsfullur á þriðjudagskvöldi, fannst alltaf eins og það væri sunnudagur í gær. Alveg steiktur.

Jæja nóg í bili, verð að þjóta. Gleðileg jól og allt það.

Prófin búin hjá mér...íííííííhaaa!!

2004-12-21T14:45:00.000Z

Öl í kvöld, ekki spurning. Nú leggur maður sig kannski ef upptjúnaður líkami og haus vill samþykkja það.

Garon ehf.

2004-12-15T22:57:00.000Z

Vildi bara láta vita að ég er búinn að stofna fyrirtæki. Er með allskonar svona vörur sem tengjast gólfum. Smellið hér til að skoða heimasíðuna.

AAAAAAAAAAAARRRRG!!!!!

2004-12-14T22:20:00.000Z

Ég þooooli þetta Liverpool lið ekki mikið lengur!!!
(%$#"/((%)&%#"#!!¨!%"&$##//(**Ritskoðað**

Fantasy blog

2004-12-14T13:08:00.000Z

Óhætt að segja að skorið hafi verið mjög spes þessa umferðina:

Tinni og Wenger's understudy eru jafnir á toppnum, Góðbjór Albions hlýtur að vera súr. Ég dett niður í 5. sæti úr því fjórða, Hudz stóð sig nokkuð vel, of vel. Gúrkan og Butts eru eitthvað að láta vita af sér þarna niðri. Wallabees virðast heillum horfnir, eða hvað? Mendoza skeit alvarlega í sig og er kominn í skorflokk með Ólafsrauð sem hlýtur að teljast mjööög slæmt. Lítur út fyrir að Kingpin sé ekki að spá í þetta.

Ég verða að viðurkenna að ég skil ekki alveg það sem stendur á forsíðunni á Draumadeildarsíðunni. 3 umferðir eftir? Ég skil það að verðlaunum sé skipt fyrir og eftir áramót en munu stig núllast um áramót??? Veit það einhver?

ps.
Er annars bara að lesa og því er ég ekki aktívur í neinu þannig séð - semsagt til að útskýra bloggleysi og annað leysi.

Jólin eru komin!

2004-12-08T22:38:00.000Z

Við unnum 3-1 og það mátti ekki tæpara standa, urðum að vinna með tveimur mörkum.

Þvílíkur leikur!

Læt myndirnar tala, get ekki skrifað meira.

Mark Baros dæmt af

Núnez ekki að vinna vinsældakosningar 0-1

Pongolle jafnar 1-1

Mellor kemur okkur yfir 2-1

Gerrard klárar dæmið 3-1

Gaurinn brosir!

Do or die...

2004-12-08T11:33:00.000Z

Djöfulsins ruddaleikur í kvöld - púllarar allra landa sameinist! - meistaradeildin eða dauði. Besti leikmaðurinn okkar, Steven Gerrard, búinn að segja beint/óbeint að hann sé farinn í sumar ef við vinnum ekki í kvöld. Ef hann fer þá erum við í mjög vondum málum og brottför hans gæti haft dominó-áhrif í för með sér.

Sagan segir að við verðum að vinna annaðhvort 1-0 eða lágmark með tveimur mörkum ef Olympiakos skorar mark/mörk. Djöfulsins spenna! Djö-ful-sins spenn-AAA! Hvar er Valíumið?

Var annars að vakna á milli 10 og 11 eftir að hafa sofið 2-3 tíma aðfararnótt þriðjudags, nú er lærdómur fram að leik.

Hvar ætla menn að naga neglurnar yfir þessu?

ps.

DV halda áfram að djöflast í Ástþóri - og ég fíla það...hehehe.

Það þokkalegur Þriðjudagur þetta

2004-12-07T11:39:00.000Z

Jæja hér er staðan í Draumadeildinni eftir helgina þessa:

Og ég er bara nokkuð sáttur, plottið sem ég setti upp virkaði. Meira að segja var ég með Robbie Fowler í liðinu og hann setti eitt í gær! Jájájájá. Það er helst að Arsenal-menn hafi valdið vonbrigðum í mínu liði en það mátti kannski búast við því, óttalegar pissudúkkur þessa dagana... Er það ekki Gunni Þ.?

Það voru eingöngu fullvaxta karlmenn sem náðu 500 stigum eða meira þessa umferðina og Höddi, yngsti bróðirinn í bræðraseríunni frá Lyngási, var bræðrabetrungur. Og hvað eru mörg B í því?

Bjössi(Gúrkan) kemur enn á óvart og virðist vera búinn að fatta að það á að fá sem FLEST stig en ekki FÆST. Palli(Winch.. Wallab...) rankaði við sér eftir að hafa gert í brók undanfarið.

Þessir tveir sem efstir eru eru nokkuð stöðugir í stigaskorun og fátt virðist geta komið þeim úr jafnvægi, því miður. En þessi forysta þeirra er langt í frá örugg og við sem erum skör neðar bíðum eins og hrægammar eftir að þeir misstígi sig.

Mér finnst ómögulegt annað en að minnast á snillingana í Atlantsolíu en þeir lækkuðu bensínlítrann niður í 99,50 kr. í nótt. Fann þessa líka fínu mynd af Gullu Mæju sem vinnur í sjoppunni þeirra í Kópavogi. Er hún ekki sæt?

Annars er ég bara nokkuð sáttur við tilveruna og tilvistina; veruleikann og verur. Svona almennt séð frá sjónarhorni því sem mér var skammtað. Ef ég væri að fara út að dansa núna þá myndi ég sennilega dansa einhvernveginn svona eins og Jean-Claude Van Damme:

Sjóðandi heitur á dansgólfinu jájájájá!!
Dansaðu folinn þinn, dansaðu!!
ÍÍÍÍÍÍHAAAAA!!!!

Stuð og fjör!...þú skilur...;)

2004-12-06T16:26:00.000Z

Hvers vegna féll þjóðveldið?

Til að svara þessari spurningu þarf fyrst að komast að niðurstöðu um hvað þjóðveldið var. Þetta geta í raun verið tvær mismunandi spurningar eftir því hvað við teljum þjóðveldið hafa verið.

Við getum litið svo á að þjóðveldið hafi verið það samfélagsform sem var við lýði á Íslandi fram til 1262, þegar landsmenn féllust á yfirráð Noregskonungs, án tillits til þess hvernig stjórnarfar þróaðist á þeim tíma.

Einnig er hægt að líta svo á að þjóðveldið hafi verið það stjórnarform sem lýst er í Grágás, lögbók þjóðveldisins, og öðrum ámóta heimildum og einkenndist af goðorðum. Þetta stjórnarform byggði á persónulegum tengslum goðanna við bændur (þingmenn goðanna) sem tilheyrðu goðorði þeirra. Goðorðin höfðu engin landfræðileg mörk og gátu þingmenn tveggja eða fleiri goðorða búið hverjir innan um aðra þótt yfirleitt byggju flestir þingmenn hvers goðorðs nálægt goðanum. Goðorðin líktust bandalögum þar sem goði og þingmenn voru skuldbundnir til að styrkja hverjir aðra; vernda og verja fyrir ágangi annarra. Þingmenn höfðu síðan rétt (að minnsta kosti í orði kveðnu) til að „færa þingfesti sína”, það er flytja sig úr einu goðorði í annað án þess að færa búsetu sína.

Þetta stjórnkerfi var afar veikt og átti erfitt með að taka á stórum vandamálum, setja niður deilur voldugra manna og tryggja friðinn. Það gekk aðeins meðan valdajafnvægi ríkti meðal goðanna. Menn virðast hafa gert sér grein fyrir þessum veikleika kerfisins og því lagt ríka áherslu á að viðhalda jafnvæginu, sem tókst í stórum dráttum fram undir aldamótin 1200. Engu að síður voru komin fram fáein héraðsríki nokkru fyrir þann tíma; þau helstu í Árnesþingi og í Skagafirði. Héraðsríkin urðu oftast til við samruna tveggja eða fleiri goðorða og voru þeim frábrugðin í því að þau höfðu föst landamæri og því gátu menn ekki lengur fært þingfesti sína heldur réðst hún af búsetu. Með þessu varð mikil breyting á sambandi goða og þingmanna sem fór að líkjast fremur sambandi yfirvalds og þegna. Að forminu til voru yfirmenn héraðsríkjanna aðeins goðar, eins og fyrirrennarar þeirra, en vald þeirra var orðið mun meira en áður enda voru þeir yfirleitt kallaðir höfðingjar fremur en goðar.

Um aldamótin 1200 varð mikil hreyfing á Íslandi í myndun nýrra hérðasríkja. Höfðingjavald efldist þá stórum og um 1220 má segja að nánast allt landið hafi skipst á milli 10 eða 12 ríkja. Ef við eigum við hina fornu stjórnskipun með hugtakinu þjóðveldi má segja að það hafi þegar verið liðið undir lok á þessum tíma. Fram til 1262 má segja að Ísland hafi verið lauslegt samband nokkura smáríkja þar sem sameiginleg yfirstjórn var varla til.

Orsakirnar fyrir þessari breytingu eru umdeildar. Sumir hafa talið að stofnun biskupsstólanna í Árnesþingi (í Skálholti) og í Skagafirði (á Hólum) hafi kallað á samþjöppun veraldarvalda til mótvægis við vaxandi vald biskupanna og því hafi héraðsríki fyrst orðið til í Árnesþingi og Skagafirði. Síðan hafi þetta valdið keðjuverkun þar sem grannar hinna nýju héraðshöfðingja hafi þurft að mynda mótvægi gegn völdum þeirra og þannig hafi goðorðin fallið hvert af öðru eins og dómínókubbar kringum landið. Aðrir hafa bent á að náið samband var á milli fyrstu biskupanna í Skálholti og héraðshöfðingjanna í Árnesþingi enda voru þeir allir af sömu ættinni. Einnig hefur verið á það bent að líklega hafi mismunur ríkra og fátækra farið vaxandi frá landnámstímanum og sífellt auðugri menn voru að koma fram. Stjórnkerfi þjóðveldisins var ekki nægilega öflugt til að halda slíkum mönnum í skefjum ef þeir vildu fá sitt fram með valdi og þessar aðstæður kölluðu á öflugra yfirvald en áður.

Fræðimenn hafa ekki orðið á eitt sáttir um orsakir þess að héraðsríkin mynduðust en ef til vill má segja að allar skýringarnar feli í sér að samfélagið varð sífellt flóknara eftir því sem tíminn leið frá landnámi, hvort sem það var með tilkomu kirkjunnar, eflingu auðmanna eða af öðrum orsökum. Goðorðakerfið var of veikburða til að takast á við þessar breyttu aðstæður og því leituðu menn annarra lausna.

Hér má hafa í huga að goðorðakerfið var einstakt í heiminum en höfðingjaveldið sem við tók var aftur á móti lítt frábrugðið því sem hefur einhvern tíma tíðkast í flestum löndum heims.

Í raun er það svo allt önnur spurning hvers vegna Íslendingar gerðust þegnar Noregskonungs árið 1262. Eftir að héraðsríkin voru orðin allsráðandi leið ekki á löngu þar til þau fóru að berjast sín á milli um forræði á landinu öllu. Með héraðsríkjunum var komið fram mun öflugra valdatæki en verið hafði og höfðingjarnir gátu nú safnað stórum herjum til að koma málum sínum fram með illu ef það tókst ekki með góðu. Valdajafnvægi var úr sögunni og nokkuð augljóst að allt stefndi í að landið yrði sameinað undir eitt vald. Þjóðveldið, í hvaða skilningi sem er, var þegar hér var komið sögu dauðadæmt. Spurningin var aðeins hvað tæki við.

Síðari tíma Íslendingum hættir til að líta á þessa atburði í ljósi sjálfstæðisbaráttu 19. og 20. aldar og telja oft að það mikilvægasta í sambandi við konungshyllinguna 1262 hafi verið „missir sjálfstæðis”. Óhætt er að fullyrða að 13. aldar Íslendingar hafa ekki litið svo á. Nútíma þjóðernishyggja, með höfuðáherslu á sjálfsforræði þjóða, er síðari tíma fyrirbæri og var óþekkt á miðöldum. Vandamálið sem blasti við á Íslandi um miðja 13. öld var fyrst og fremst hvernig ætti að koma á friði í landinu og tryggja um leið sæmilegt öryggi fólks. Hin augljósa leið var að koma öllu landinu undir eina stjórn og sennilega hefur mörgum verið ljóst að þróunin stefndi í þá átt.

Það sameiginlega yfirvald sem komst á var hið norska konungsvald en fræðilega er ekkert því til fyrirstöðu að það hefði getað verið eitthvað annað. Sem dæmi má nefna að landið hefði getað orðið sjálfstætt jarlsdæmi í lauslegum tengslum við Noreg. Ýmsir höfðingjar virðast hafa stefnt að slíkri lausn og konungsvaldið sýnist hafa verið að reyna að koma til móts við slík sjónarmið með hinu skammlífa jarlsdæmi Gissurar Þorvaldssonar sem lauk með dauða hans 1268.

Einnig hefði komið til greina að stofna sérstakt konungsríki á Íslandi en vegna náinna sögulegra og menningarlegra tengsla við Noreg er óvíst að það hafi verið talið raunhæft. Noregskonungur var áhrifamikill á Íslandi frá fornu fari og til hans leituðu Íslandingar í miklum mæli að sækja sér upphefð. Hin augljósa lausn á vanda Íslands á 13. öld hlaut því að felast í því að tengjast Noregskonungi með einhverjum hætti enda vann konungur að því leynt og ljóst um þessar mundir að safna undir sig byggðum norrænna manna við norðanvert Atlantshaf.

G'day sir!

2004-12-03T13:04:00.000Z

Góðan dag! Er ekki kurteisi að bjóða góðan daginn? Mætti kannski spyrja ákveðinn kennara í Lagadeild að því...

Lítið sem ekkert í gangi annars. Setti lítinn og sætan jólasvein hér í hliðarsvæðið eins og sjá má. Hann lýsir kannski anda jólanna betur en kókakólajólasveinninn. Man annars einhver afhverju jólin eru haldin? Fæddist ekki Jóhannes í Bónus þá...?

Gestabókin er risin upp frá dauðum, situr hún við hægri hönd innleggja almáttugra og mun þaðan koma, að dæma lifendur og dauða. Fann hana útí frosinni mýri og náði að endurlífga hana með því að gefa henni heitt kakó og rauða stafi. Hvet fólk sem ekki hefur skrifað í hana að skilja eftir sporin sín þar, þarf ekki að vera merkilegt til að teljast gilt sem gestabókarskrif.

Er annars farinn austur að gefa rollunum.

ps.
Speki dagsins: "Allt er í eðli sínu einfalt, það er bara einhver búinn að gera það flókið."

hroki@hálfviti.is

2004-12-02T13:43:00.000Z

Stutt og snarpt blogg í dag:

Þetta er nú meiri djöfulsins hrokagikkstitturinn þessi Kristján Jóhannsson. Meiri karlrembu og monthænsni er vart hægt að finna.

Sjá Kastljósið í gær.

Í tilefni daxins

2004-12-01T18:17:00.000Z

Samningar náðust 1918 um fullveldi Íslands í konungssambandi við Danmörku. Sambandslagasamningurinn var lögtekinn í báðum löndum og tók gildi 1. desember 1918.

Ísland var nú orðið ríki út af fyrir sig, konungsríkið Ísland, og hafði samningsbundinn rétt til að segja upp sambandinu við Danmörku að 25 árum liðnum.

Fullveldið 1918 var stærsta formlega skrefið til sjálfstæðis landsins. Því var fylgt eftir 1944 með því að slíta sambandinu við Danmörku og stofna sjálfstætt lýðveldi. Það var gert á Þingvöllum á fæðingardegi Jóns Sigurðssonar 17. júní.

Hundrað árum áður bjuggu Íslendingar við einveldi erlends konungs. Nú nutu þeir óskoraðs sjálfstæðis í eigin þjóðríki.

Afturhaldskommatittsflokkur...

2004-11-30T10:32:00.000Z

...eða afturhaldshommatittsflokkur eins og virðulegur fréttamaðurinn á Rás 2 sagði í fjögurfréttum í gær...mismælti sig greyið. Alltaf fjör á Alþingi þegar Davíð verður pirraður. Öllu fjörugra en til dæmis fyrirspurnin sem Björgvin G. Sigurðsson kom með á Alþingi til iðnaðarráðherra þann 7. okt síðastliðinn, endilega kíkið á hana með því að smellla hér.

Annars er nú meira vælið í Arsenal-mönnum í dag, tek hér eitt dæmi;

Henry: Injuries to blame
Arsenal striker Thierry Henry believes a catalogue of injury problems have contributed to the Gunners' slump in form of late.

Einmitt vinur, injuries my ass! Ekki tala um injuries við okkur Liverpool-menn. Ætli þeir þurfi bara ekki eitt gott faðmlag frá mömmu þessir kjóar.......hehehe.

Var í síðasta tímanum í morgun í Almennri lögfræði. Nú er upplestrarfríið formlega byrjað í því fagi en þarf samt að fara í einn tíma enn í Réttarsögu á föstudaginn. Nú hefst lesturinn ofurlegi.

Talandi um lestur. Keypti bók Jóns Steinars Gunnlaugssonar um daginn, "Um fordæmi og valdmörk dómstóla", sem hann gaf út í fyrra. Þessi bók er snilld og einmitt bókin sem ég þurfti á að halda á þessu stigi í náminu. Hann dregur hlutina saman á hnitmiðaðan og "einfaldan" hátt, allavega miðað við fyrirrennara hans í lagabókaskrifum. Þeir sem hafa lesið eitthvað undanfarið hér á síðunni hafa eflaust tekið eftir því að ég hef mikið vælt um langlokuskrif og þvælt orðalag í þessum fræðibókum í lögfræði. Í innganginum í bók Jón Steinars fékk ég eins konar "backup" á þessari skoðun minni. Hér er tilvitnun í innganginn;

"Mér finnst þeir sem skrifa um lögfræði hafa nú fremur en áður tilhneigingu til að skrifa langt og stundum fremur óskýrt mál þar sem meginefni hverfur í málæði um einskis verða hluti og aragrúa tilvitnana í aðra höfunda sem sagt hafa það sama á undan. Það er eins og menn telji að fræði þeirra verði metin af lengdinni og umfangi umbúðanna."

Nákvæmlega, takk fyrir þetta.

Ekki orgasmic sensation!

2004-11-29T11:03:00.000Z

USSSS!!! SUSSSSS!! OG SVEIATTAN!!!

Þetta var nú ljóta umferðin, allavega hvað mig varðar. Bræðurnir 3(Kiddi, Guðni og Höddi) riðu feitum hesti frá umferðinni og spurning hvort að þarna hafi verið ólöglegt samráð á ferðinni...hmmmm?

En eins og sjá má þá voru Góðbjór Albions hlutskarpastir í þetta sinn og hafa þeir með frammistöðu sinni náð toppsætinu af Wengers understudy. Hudz F.C. stukku fram úr Winchtestertonfieldville Wallabees sem halda áfram að hríðfalla niður töfluna. Athyglisvert er að sjá tvö lið í neðri hlutanum sem eru að sýna klærnar; Mendozas Fat Dogs og Gúrkuna, þeir eru greinilega búnir að taka þumalinn úr rassgatinu loksins...hehehe.

Ég held 4. sætinu með naumindum eftir vægast sagt lélega frammistöðu. Ég fór ekki alveg hefðbundna/"örugga" leið þessa umferðina og því bjóst ég við sviptingum en ég var að vona að þær yrðu á jákvæðan hátt. Win some, lose some. Ég hef enga afsökun, ég hreinlega skeit á mig í þetta sinn.

Orgasmic sensation!!

2004-11-28T19:15:00.000Z

Já það getur vel verið að hann líti út eins og bóndastrákur undan Fjöllunum en mikið djöfull elska ég hann!!!! Markið var grííííðarlega mikilvægt, sérstaklega móralslega séð þó svo að stigin séu að sjálfsögðu bullandi velkomin líka. Jájájájájájájá!!!!!

Ég viðurkenni að ég var vel smeykur eftir að Arsenal jöfnuðu en mínir menn börðust eins og garðslöngur(með of miklum þrýstingi á semsagt).

Annars veit ég ekki hvernig þetta hefði farið ef Steven Gerrard hefði ekki leitt hópinn eins og sönnum fyrirliða sæmir.

Hvað er annars sameiginlegt með þessu tvennu hér fyrir neðan???
=

Ekkert spes

2004-11-26T15:23:00.000Z

Ekkert sérstakt blogg í dag nema það kannski að mig grunar að það verði sætaskipti í Draumadeildinni eftir þessa umferð...(**smella hér til að fá stemninguna**)

Svo getur fólk spáð í þessa mynd um helgina, hafið hana góða.

? Hauskúpa eða borð ?

Réttu mér vatnskönnuna

2004-11-24T23:26:00.000Z

Lítið að gerast hjá mér annað en það að ég er þyrstur, alveg moldþyrstur. Eldaði saltkjöt í matinn og baunasúpan mín var alveg gjörsamlega briiimsölt! En hún var góð engu að síður eins og kjötið og allt. Þeir sem ekki vita hvað saltkjöt er þá er það kjöt sem kemur af Saltdýrinu sem lifir villt í Himalayafjöllum í Suður-Asíu milli Kína og Indlands, nánar tiltekið í Nepal. Þá hafið þið það.

Sigvarður stubbur kom í létta pössun í dag, alltaf gaman að fá hann í heimsókn.

Tvær jólaseríur komnar útí glugga, einhver mesta jólaskreyting sem ég hef komið nálægt um ævina, hananú! Hef ekki verið duglegur við þetta í fortíðinni, það verð ég að viðurkenna. Hef yfirleitt verið neyddur til þess. Núna er ég sætta mig við þessar skreytingar loksins og finnst þær hlúa að sálartetrinu í bleksvörtu skammdeginu.

Svo tókum við skötuhjúin göngutúr hér um þveran og endilangan Kópavoginn í kvöld, það var bara hressandi, jájá hressandi bara. Tók með mér vatnsdunk í ferðina, annars hefði ég sennilega farið að sleikja malbikið.

Liverpool-liðið get ég ekki talað um, svo miklar eru hörmungarnar...

Hvað er annars málið með þessar kokteilpylsur hér?

"Heitasta" málið í dag?!!

2004-11-23T13:58:00.000Z

Lesist í æsifréttastíl!! Dragið djúpt andann þegar upphrópunarmerki koma-->!!

Bloggsíðan garon.blogspot.com bregst ekki lesendum sínum frekar en fyrri daginn!! “Með puttann á púlsinum”, það eru lýsandi orð yfir síðuna þessa dagana!! Eins og flestir vita þá hefur verið mikill bruni niðri á Klettagörðum í nótt og í dag og hvað gerir fréttaritari garon.blogspot.com annað en að fara á staðinn til að færa lesendum stemninguna beint í æð!! Í myndböndunum sem hér fylgja koma við sögu slökkvilið, lögregla, höfrungur, útvarpsviðtal, ríkisútvarpsbifreið, vegtálmar og fleira!!

Ég veit að svona GIF-myndir eru óþolandi á vefsíðum þannig að ég ákvað að setja eina inn...

Hér er smá nasasjón!!

Sjá hér fyrir neðan myndböndin(íslenskt niðurhal)!! Í Myndbandi 2 fór ég nærri brunastað og tók þar með mikinn séns bæði fyrir heilsu mína og líka fyrir þær sakir að lögreglan var á hverju strái!! Lyktinni er ekki hægt að koma til skila í mynbandinu en hún var rosaleg og minnti helst á lyktina af...eeeehh...brennandi dekkjum!! En ég harkaði þetta af mér enda hef ég nú migið í saltan sjó og þetta var barnaleikur miðað við það. En semsagt, þetta hafðist og ég komst heill heilsu í hús með þessar sláandi myndir. Ótrúlegt þrekvirki en hvað gerir maður ekki fyrir lesendur?!?!

Fyrra myndbandið er ca 8 MB en það seinna er 26 MB þannig að þeir sem eru með slow netsamband ættu bara að sleppa þessu.

Myndband 1

Myndband 2

Athyglisvert er að skoða þessa atburði í ljósi vísunnar sem ég orti hér á blogginu þann 5. nóvember, það er greinilega eitthvað yfirskilvitslegt þar í gangi...

Nú getur fólk róað sig niður...og þó!?

Ekki má gleyma að minnast á Draumaleikinn. Hér fyrir neðan má sjá skor helgarinnar.

Ekki þarf að rýna lengi í þetta til að sjá að undirritaður og hans lið, Komaso!, fengu langflest stig, langflest! Eru nú aðeins 90 stigum frá toppsætinu og einungis skitnum 20 stigum frá 2. sætinu. Nú er þetta aðeins spurning hvort að ég nái toppsætinu í næstu umferð eða þarnæstu. Komaso! eru komnir í 81. sæti af 6024 liðum á landsvísu, jájájájájá.

Liðin í 1. og 2. sæti og eigendur þeirra geta unað sáttir við að halda sætum sínum þessa umferð en þeir ætla að vera erfiðir ljáir í þúfu...&%($#((&!!

Athyglisvert er að sjá að Góðbjór Albions guldu afhroð og fengu aðeins 290 stig sem hlýtur að teljast...jahh...skelfilegt þegar litið er á heildarpakkann enda lýsir eigandi liðsins bræði sinni með það í commenti hér neðar (18. nóvember).

Það er ljóst að Winchtestertonfieldville Wallabees, og stjóri þeirra Palli G., eru loks að sýna sitt rétta andlit og eru að hrapa niður töfluna eins og....jahh...eins og eitthvað sem hrapar mjög hratt niður töflur - sama er að segja um Hudz F.C., bara spursmál hvenær þeir verða komnir í Stubbadeildina þarna niðri. Um aðra er ekkert að segja að þessu sinni.

Sláandi!

2004-11-23T13:40:00.000Z

Sláandi blogg framundan hér...haldið ykkur fast í lyklaborðið. Er að smíða það saman umfangið er gríðarlegt. Ég endurtek, sláandi blogg!

"Halda mætti fram þeirri fullyrðingu að..."

2004-11-18T10:46:00.000Z

Þetta er fantasían...

...og hér er raunveruleikinn

Já nú heyrir maður bara "spól-hljóð" daginn út og inn. Ég ætla ekki að agnúast mikið yfir snjónum en ég væri alveg sáttur ef hann héldi sig upp til fjalla. Þetta kostar endalausan pening; snjómokstur, árekstrar og andleg veikindi landans í kjölfarið. Annars vantar mig vetrardekk, ef þú átt 14" nothæfar druslur einhversstaðar þá er ég til í að skoða það mál.

Svona er annars veðrið í Færeyjum ef þið voruð að spá í það:

Veðrið
Eitt lágtrýst, 994 hPa. millum Íslands og Føroya fer skjótt eystureftir og dýpist. Vestan fyri lágtrýstið rekur køld luft móti Føroyum. Lágtrýstið við Lofoten fer spakuliga í landsynning. Hátrýstið yvir Grønlandi fer somuleiðis í landsynning og verður væntandi yvir Føroyum leygardagin.

Er voðalega eitthvað andlaus í blogginu núna. Er byrjaður að læra fyrir prófið stóra í desember. Á mjög erfitt með að byrja að læra fyrir próf sem er ekki fyrr en eftir 5 vikur, allan minn lærdómsferil hef ég annaðhvort lítið sem ekkert lært fyrir próf og ef það var lært þá var það yfirleitt síðustu 24 tímana fyrir próf. Það gengur að sjálfsögðu ekki í þessu fagi því að efnið er of-boðs-leg-a mikið sem þarf að fara yfir.

Annars má ég til með að nefna að ég tel mig hafa tekið eftir ákveðnu mynstri í málfari lögfræðinga og nefni ég nokkur dæmi hér því til stuðnings (tekið upp úr bók á hundavaði). Þetta kemur best í ljós við upphaf setninga:

"Hugsanlegt er að lagaákvæði..."
"Rétt getur verið að víkja frá þeirri reglu að..."
"Almennt er viðurkennt að..."
"Það er álitamál hvort telja beri..."
"Óhætt þykir að slá því föstu..."(nærri þvi fullyrðing!)
"Orða má það sem almenna reglu að..."
"Því hefur verið haldið fram að..."
"Orða má það sem almennt sjónarmið..."
"Segja má að..."

Það er einhver svona undirliggjandi tónn í þessu sem er að fullyrða aldrei um neitt. Það er svosem skiljanlegt í ljósi endanlausra undantekninga í lagafrumskóginum. Samt fyndið. Og svo toppar einn virtasti lagaskápur landsins þetta í Fréttablaðinu í gær með því að segja þetta um ímynduð veikindi kennarana: "Ég fæ ekki betur séð en að þetta sé mjög nærri því að vera ólöglegt". Það er gaman að þessu, þetta á eftir að gera mann snarruglaðan allt saman. Þó er ekki gott að fullyrða neitt um það.....

Draumadeild

2004-11-16T15:19:00.000Z

Hér er staðan í Draumaleiknum eftir þessa helgi/umferð.

Eins og sjá má þá hefur Gunni Þóris aukið forystuna á toppnum en það er svosem ekkert óyfirstíganlegt fyrir þá sem eru á hælum hans. "Komaso!" eru 160 stigum frá toppsætinu þar sem þeir eiga heima og aðeins tímaspursmál hvenær þeir setjast þar að. Vörnin hjá þeim klikkaði þessa helgina en miðjan hélt þeim á floti, frekar slöpp frammistaða í þetta skiptið. En nú fer maður að bretta upp ermarnar og jafnvel draga einn eða tvo ása fram úr þeim um leið, kominn tími til að sýna félögum Apollon hver ræður hér á bæ!
Annars var ekki mjög hátt skor svona almennt séð, Gunni Þóris var með hæsta skorið og Sævar "Bling_bling" heldur áfram að sýna hvað í honum býr.

Ólafsrauður setur enn eitt metið og kemst enginn með hælana þar sem hann er með tærnar í þeim efnum, myndi heldur ekki skipta neinu máli þótt að hann fengi sér froskalappir...

----

----

Eins og glöggir lesendur hafa sjálfsagt tekið eftir þá tókst mér að setja linkadraslið allt saman á þann stað sem það átti heima, semsagt hér til hliðar. Núna get ég loksins farið að einbeita mér að náminum fyrst að það mál er loksins afgreitt.....ég grína.

Annaðhvort eða - ekkert hálf

2004-11-14T16:10:00.000Z

Ahhh hvað er gott að vera ekki eitthvað ryðgaður og ómögulegur á þessum sunnudegi þar sem vetur konungur hamast við að kæla landann og fólkið á neðri hæðinni er að leggja parket...eða að gera eitthvað sem krefst tíðra hamarshögga. Á ekki að sleppa öllu svona hamarsbrölti á sunnudögum? Það virðast ekki vera nein lög yfir þetta í "Lögum um fjöleignahús" en ég rak augun í það að það þurfa aðeins að vera reglur um hunda-og/eða kattahald í húsreglum fjölbýlishúsa. Þá má maður semsagt vera með krókódíl eða geit hér en ekki hunda og/eða ketti.

74.grein, 3.mgr.
Í húsreglum fjölbýlishúsa skal m.a. fjalla um neðangreind atriði:
1. Umgengni um sameign og um afnot hennar og hagnýtingu.
2. Bann við röskun á svefnfriði í húsinu a.m.k. frá miðnætti til kl. 7 að morgni og undanþágur frá því banni.
3. Skiptingu afnota sameiginlegs þvottahúss.
4. Hvernig þrifum sameignar og umhirðu lóðar skuli háttað og hverjar séu skyldur eigenda í því efni.
5. Reglur um hunda- og/eða kattahald sé það leyft, sbr. 13. tölul. A-liðar 41. gr.
6. Reglur um afnot sameiginlegra bílastæða.
7. Reglur um hagnýtingu séreigna að því marki sem unnt er.

Ég á ekki orð yfir siðleysi Kristins Björnssonar fyrrverandi forstjóra Skeljungs og núverandi hálfvita. Talaði um í viðtali við Stöð 2 í vikunni að "sér hafi orðið hált á svellinu", HÁLT Á SVELLINU?! Hvað er að þessu kvikindi? Og svo toppaði hann þegar hann sagði við fréttamanninn að sér þætti "ósmekklegt" að það væri verið að blanda konunni hans í þetta mál. Kallast þetta ekki að kasta steinum úr glerhúsi? Eða að kasta kleinum úr bakaríi jafnvel?

Liverpool náði með herkjum í gær að vinna "stórliðið" Crystal Palace sem voru án aðalmarkaskorara síns, alltaf sama brasið að vinna þessi skítalið. Í þessum leik skoraði Baros þrennu og í tilefni þess langar mig að velta einu fyrir mér. Það er mjög oft talað um í íslenskum íþróttafjölmiðlum um að "fullkomna þrennuna", sbr. "Milan Baros skoraði á 90. mínútu og fullkomnaði þar með þrennuna." Hvernig er hægt að fullkomna þrennu? Var einhver þrenna í gangi áður en hann skoraði þriðja markið? Nei ekki að mínu áliti, áður en hann skoraði þriðja markið þá var hann bara búinn að skora tvö mörk og því var engin þrenna í spilinu. Þegar hann skoraði þriðja markið þá var hann kominn með svokallaða þrennu, punktur. Áður en þrennan kom þá var hann búinn að skora tvennu.

Þetta er eins og þegar menn tala um að einhver hafi dáið snögglega - annaðhvort er maður lifandi eða dauður, það er ekki hægt að deyja öðruvísi en snögglega.

Lifið heil kæra mannfólk.

Akkúrat!

2004-11-09T13:38:00.000Z

Ég veit ekki hvort að einhver man eftir þessu hjá mér, skrifað 27. október síðastliðinn. Þar sem ég talaði um hvað mér finnst einfaldir hlutir vera oft gerðir flóknir í bollaleggingum ýmissa fræðinga, sjá úrdrátt úr bloggi þess dags hér:

"Mér finnst ótrúlegt hvað fræðingar geta flækt einfalda hluti fram og aftur, og þá er ég sennilega aðallega að tala um lögfræðinga. Ég hef oft verið í þeirri stöðu að vera ansi sáttur með einhverja lærdómslotu þar sem ég tel mig hafa komist að einhverri "solid" niðurstöðu um eitthvað ákveðið atriði, tel mig hafa skilgreint eitthvað sem ég hafði ekki hugmynd um hvað var áður en ég fór að lesa, svo fer ég að lesa aðeins meira. Og þá gerist það, hugtakið er tekið og krufið gjörsamlega niður í kvarka. Tökum dæmi um fordæmi í Hæstarétti; það eru nákvæmlega 153 blaðsíður í kennslubókum sem ég er búinn að vera að lesa um hvað sé fordæmi síðustu daga, ásamt öðru ítarefni. Eftir að hafa lesið þetta þvælda efni eftir sitthvorn fræðinginn er ég ekki miklu nær, farinn að halda að þetta sé fordæming..."

Rakst svo á þessa tilvitnun sem á að vera frá Albert Einstein, ég tek undir það sem hún segir og hún er í takt við það sem ég var að meina hér að ofan:

"Any intelligent fool can make things bigger and more complex... It takes a touch of genius - and a lot of courage to move in the opposite direction."
Albert Einstein

Eins og talað úr mínu hjarta.

Góðbjór Albions, lið vikunnar

2004-11-08T13:27:00.000Z

Jæja svona lítur þetta út núna. Það mætti segja mér að forsætisráðherra einhvers fríríkis væri ánægður í dag, Góðbjór Albions eru lið vikunnar í hópnum Apollon. Höddi heldur áfram að djöflast í mér, kominn framúr...urrrrr! Gunni Þóris svitnar á toppnum, KidNon farinn að anda ofaní hálsmálið á honum allhressilega.

Eins og menn sjá glögglega þá er ég búinn að taka nokkur lið, sem ekki voru búin að tilkynna sig, út úr hópnum. Þetta er bara tilraun hjá mér til að athuga hvort að einhverjir hafi samband og geri hreint fyrir sínum dyrum, þessi lið geta komið aftur inn ef svo ber undir.

Þannig að nú eru 10 lið í hópnum og virðist þar skiptast í tvær fylkingar; úrvalsdeild og stubbadeild. Athyglisvert er þó að Butts_BlingBling tóku aðeins við sér en þetta hlýtur bara að vera dauðakippur...eða hvað? En það eru fimm efstu liðin sem eru í sérflokki og aðeins 100 stig skilja að liðið í 5. sæti frá því í 1. sæti.

Áberandi slök frammistaða hjá Ólafsrauð, hann toppar sjálfan sig í viku hverri...tíhíhíhí

Annars er lítið að frétta. Var á Hellu um helgina. Þar voru allskonar kvikindi að sniglast, hitti nokkra punga á Kristjáni X þar sem menn lyftu glösum. Mjög fínt kvöld, mikið spjallað og hlegið.

Lítil sem engin þynnka á laugardegi aðallega þreyta og illska þegar leið á daginn því að Liverpool tapaði fyrir Birmingham, pirrandi alltaf hreint að geta ekki tekið þessi miðlungslið í bakaríið.

Sofnaði snemma á laugardagskvöldið og rólegur stemmari á öllu.

Var í umræðutíma áðan í skólanum og það sem helst stóð uppúr var ein óþolandi stelpa sem er svo mikið að reyna að vera gáfuleg að það er pínlegt. Hún sagði "obiter dicta"(latína: það sem skiptir ekki máli fyrir niðurstöðu í dómi) fjórum sinnum á einni mínútu til að láta alla vita að hún hafði lært þennan frasa. Krakkarnir fyrir aftan hana hlógu mikið og pískruðu þegar hún sagði þetta í fjórða skiptið. Ég hef fundið bloggsíður laganema á fyrsta ári sem hafa verið að tala um þessa stelpu og hún fær vægast sagt ekki góða dóma hjá samnemendum, ýmist kölluð "Gettu betur - stelpan" eða þaðan af verra. Hún er ömurleg og auðvitað þurfti ég að lenda með henni í umræðutímum. Hún grípur fram í fyrir öðrum nemendum þegar þeir eru að tjá sig í tímum...hálfviti? Svarið er jákvætt.

Uppfært: Eitt lið komið aftur inn í hópinn, FC Tinni. Eigandinn er Ívar Örn Svavarss. frá Hellu, kom inn fyrir tilstuðlan Guðna(FatDogMendoza). Gott mál að það sé komið á hreint, þessi aðgerð mín er að skila sér. Verst hvað hann er góður í þessu...:)

Jájájájá....

2004-11-05T13:52:00.000Z

Austur núna förum við,
gott er það að gera.
Rímar það við slökkvilið?
Og kartöfluuppskera?

Jæja, dýrt kveðið, góða helgi.

Rest in peace mbl.is

2004-11-04T10:18:00.000Z

Fyrst og fremst langar mig að fagna væntanlegri bensínstöð Atlantsolíu, vildi óska þess að hún væri komin nú þegar:

Jæja Bush hafði þetta nokkuð örugglega, þetta er það sem Kanarnir vilja og lítið við því að segja. Horfði á Ólaf Sigurðsson fréttamann ásamt gestum á Rúv og hann er gjörsamlega snarómögulegur sjónvarpsmaður að mínu viti. Hann hefði átt að vera tilnefndur til Gullkindarinnar, hefði átt góða möguleika þar.

::::Innskot::::

Yoooo, wazzzup Dj Arafat!!





:::Innskoti lokið:::

Svo er þetta með friðargæslumennina okkar í Afganistan. Fáránlegt að heyra stjórnarflokkafólk á Alþingi reyna að halda því fram að þetta séu bara venjulegir menn í borgaralegum störfum þarna úti. Þeir mega vera þarna í herleik fyrir mér en það er alveg ömurlegt að vera að reyna að sveigja sannleikann svona með útúrsnúningum og orðaleikjum. Ég er ekki oft sammála Ögmundi Jónassyni og mér finnst hann eiginlega alltaf vera með tómt kjaftæði og aumingjavæl en hann hitti naglann á höfuðið þegar hann spurði hvort að þessir friðargæsluliðar væru venjulegir borgarar dulbúnir sem hermenn...?

Hvað er með mbl.is þessa dagana? Ég skil þá ekki. Þeir eru komnir með aukna þjónustu fyrir áskrifendur þannig að þeir geta sótt fréttir á mbl.is á pdf-formi. Ok, gott og vel. Þetta er fínt og allt það en það er mjög þreytandi fyrir þá sem eru ekki áskrifendur að þurfa að smella á hvern linkinn á fætur öðrum aðeins til að komast að því að hann er aðeins fyrir áskrifendur, það væri lágmark að merkja þessa linka einhvernveginn svo að maður þurfi ekki að fara "linkafýluferð" alltaf hreint. Annars þarf ég ekkert að vera á mbl.is, get fengið fréttirnar annarsstaðar ef ég vill, t.d. á www.visir.is. Þarna held ég að mbl.is sé að grafa sína eigin gröf hraðar en áður.

Uppfært: Þetta linkavesen sem var í morgun er ekki svona lengur, búið að laga. Greinilegt að ritstjóri Moggans les þessa síðu....

Verðum að gera eitthvað...ekki svo galið

2004-11-01T15:30:00.000Z

Póstur sem er að ganga:

Þetta var að berast mér og ég ákvað senda þetta áfram, enda ekki fráleit hugmynd...

Olíufélögin stálu af okkur peningum í mörg ár. Það liggur skýrt fyrir í niðurstöðum samkeppnisstofnunar. Þeir viðurkenna það, en segja að málið sé fyrnt.
Þeir vilja ekki borga sektir eða skaðabætur vegna þess að það er svo langt síðan þeir stálu frá okkur.

Við getum svarað fyrir okkur.

Það þýðir ekkert að hafa bensínlausan dag. Það er bara rugl því þá verslum við bara meira á morgun.
Við refsum þeim með buddunni og kaupum BARA BENSÍN!
Alveg þangað til þeir hætta að röfla og borga sínar sektir og skammast sín þá kaupum við BARA BENSÍN. Ekki sígarettur, ekki pylsur, ekki hreinsiefni, leikföng, nammi, mat, hanska, grill né neitt annað, við kaupum allt slíkt annars staðar.

Hjá olíufélögunum kaupum við BARA BENSÍN! EKKERT ANNAÐ! Þeir finna fyrir því.

Dreifðu þessu á þína vini og stattu við það að kaupa BARA BENSÍN.
Næst þegar þú freistast til þess að kaupa eitthvað annað á bensínstöð en BARA BENSÍN þá sannar þú orð markaðsstjóra OLÍS sem sagði í samráðinu "Fólk er fífl".

Vilt þú láta hafa þig af fífli? Ef ekki þá kaupir þú BARA BENSÍN.

Almenningur.

Félögin sem um ræðir eru:
Skeljungur(Shell), OLÍS og ESSO

Rökhugsun skal það vera heillin

2004-10-31T22:30:00.000Z

Það voru eitt sinn 2 lögfræðingar sem voru í safari ferð í Tansaníu. Þeir lögðu bíl sínum og fóru svo að ráfa um svæðið. Allt í einu löbbuðu þeir fram á stórt og mikið ljón, ljónið leit á þá, stóð upp og gerði sig líklegt til að ráðast á þá. Þá hóf annar lögfræðinganna að klæða sig úr þungum stígvélunum sem hann var í. Hinn leit undrandi á hann; "Hvað ertu að gera maður?" spurði hann. Hinn svaraði; "Við verðum að hlaupa að jeppanum og ná í riffil". Hinn leit þá skelfingaraugum á hann og sagði; "Ertu brjálaður maður? Við náum aldrei að hlaupa þangað, ljónið nær okkur". Þá sagði hinn; "Ég veit það vinur minn en ég þarf bara að hlaupa hraðar en þú".

A-ga-legt!

2004-10-30T19:47:00.000Z

Mjög grafískt þetta fótbrot hjá Cissé í dag....

Jah! Hver þremillinn!

2004-10-29T13:02:00.000Z

Veit ekki hvort að allir sem þekkja mig viti að ég er útskrifaður Forritunar- og kerfisfræðingur frá hinum virta skóla NTV. Stundaði námið á kvöldin og um helgar á Selfossi með vinnu í kringum árið 2000. Ég náði öllum prófum en fannst þetta hundleiðinlegt, ekki kannski frá A-Ö en kannski frá F eða eitthvað svoleiðis, ástæðan fyrir því að ég hætti ekki þegar ég fékk ógeð var að það var rukkað fyrir allt námið áður en maður byrjaði. Þannig að það var þrjóskan sem kom mér í gegnum þetta. Kennararnir voru misjafnir en aðallega voru þeir tveir sem kenndu stærstan hluta námsins. Annar var, síðast þegar ég vissi, "óstaðsettur í hús". En menn muna kannski hvað þessi frasi þýðir sem sáu heimildamyndina um Lalla Johns. Það var nokkrum sinnum vínlykt af honum í tímum og þá er ég ekki að tala um Lalla. Þessi kennari var að mínu mati hálfviti og ég var ekki einn um það álit í bekknum. Ég vil ekki vera með nafnabirtingar en ég myndi ekki neita því ef einhver myndi giska á að hann héti Trausti.

Hinn er staddur á öðrum stað, sjá forsíðu DV...

Þessi síðarnefndi var ágætur svosem en hann er greinilega búinn að villast af hinni grýttu braut réttvísinnar. Ég ætla ekki að vorkenna honum, hann tók áhættu og verður að taka afleiðingum, góðum eða slæmum. Var búinn að sjá nafnið hans á www.dopsalar.tk að vísu fyrir nokkru.

Var ég svona erfiður nemandi eða er þetta tilviljun? Ja...maður spyr sig.

Hertar aðgerðir og Steingrímur

2004-10-27T14:27:00.000Z

Jæja fyrsta mál á dagskrá er að ég boða hertar aðgerðir varðandi Draumaleikinn, þ.e. varðandi þá sem ekki hafa tilkynnt sig sem eigendur liða í hópnum Apollon. Sendi vefstjóranum póst með tilheyrandi yfirlýsingu, sjá hér.

Annars er allt við sama heygarðshornið; læra, sofa, borða, fara á klósettið, fara á fyrirlestra, spekúlera, geðsveiflast, þrífa sig, blikka augunum, spá, draga andann og eitthvað.

Verð aðeins að létta af mér varðandi eitt atriði. Mér finnst ótrúlegt hvað fræðingar geta flækt einfalda hluti fram og aftur, og þá er ég sennilega aðallega að tala um lögfræðinga. Ég hef oft verið í þeirri stöðu að vera ansi sáttur með einhverja lærdómslotu þar sem ég tel mig hafa komist að einhverri "solid" niðurstöðu um eitthvað ákveðið atriði, tel mig hafa skilgreint eitthvað sem ég hafði ekki hugmynd um hvað var áður en ég fór að lesa, svo fer ég að lesa aðeins meira. Og þá gerist það, hugtakið er tekið og krufið gjörsamlega niður í kvarka. Tökum dæmi um fordæmi í Hæstarétti; það eru nákvæmlega 153 blaðsíður í kennslubókum sem ég er búinn að vera að lesa um hvað sé fordæmi síðustu daga, ásamt öðru ítarefni. Eftir að hafa lesið þetta þvælda efni eftir sitthvorn fræðinginn er ég ekki miklu nær, farinn að halda að þetta sé fordæming...

Skynsemin segir manni þó að þetta sé eitthvað sem smellur svo einn góðan veðurdag eða slæman en það breytir því ekki að ég er með miklar efasemdir um hæfni þessarra manna sem skrifa fræðiritin til að koma frá sér efni á mannamáli um hluti sem eru tiltölulega einfaldir, þannig séð. Ætli þetta sé ekki hluti af menntasnobbi að gefa frá sér einhvern ógurlegan doðrant sem enginn skilur almennilega. Sjá dæmi hér fyrir neðan úr aðalkennslubókinni, ekki um fordæmi þó:

"Bent hefur verið á að árið 1740 hafi skozki heimspekingurinn David Hume (1711-1776) haldið því fram að ekki sé unnt að leiða það sem "ber" af því sem "er", eða með öðrum orðum að fullyrðing reist á reglu eða fyrirmælum yrði ekki leidd af staðreynd, óbrúanlegt bil væri milli verkunar reglu (norms) og staðreyndar. Það merki þó ekki að staðhæfing um það sem "ber" feli í sér vísan til sérstakrar tilveru fjarri öllum áþreifanlegum veruleika. Þótt slík staðhæfing lýsi ekki staðreynd, þá feli hún í sér fyrirmæli um hegðunarferli reist á viðmiðum sem leggja má til grundvallar við mat á því ferli."

Einmitt......eeeiiiinmitt. Góður punktur þetta Herra geimvera.

Annars held ég að lögfræðingar séu ekki einir um þetta, sá í Fréttablaðinu í dag að kynlífsfræðingur var að tala um "kynverund". Einmitt já, kynverund...hafðu það eins og þú vilt væna.

Það á ekki að skilja mig þannig að ég sé eitthvað að tapa mér yfir þessu öllu saman en ég varð bara að létta þessu af mér.

Þegar ég er ekki viss um eitthvað, sem er ansi oft, þá spyr ég bara Steingrím hvert svarið sé. Hann er sköpunarverk mitt og við erum ágætis vinir. Hann vakir yfir mér hér við skrifborðið þar sem ég dvel jafnan. Það er eitthvað við hann Steingrím sem ég kem ekki fingri á, ætli það sé ekki bara það að hann er bæði í senn sorgmæddur og glaður, svona rétt eins og ég...

Steingrímur

Komaso! Jájájájájá...

2004-10-25T11:58:00.000Z

Halló! alló...lló...ló...ó! Voðalega bergmálar hér inni, gaman væri að menn myndu tjá sig aðeins um Draumaleikinn svona til að byrja með.

Höddi stóð sig best þessa umferðina og er að vaða upp töfluna. Gúrkutíð Gúrkunnar er viðvarandi ástand og sér ekki fyrir endann á því. Ég fékk fleiri stig en þeir sem eru fyrir ofan mig þannig að ég er að saxa á þá jafnt og þétt. Verð sennilega orðinn efstur eftir næstu umferð. Eða hvað, eru menn eitthvað ósammála þessari greiningu minni?

Tekur því ekki að minnast á Ólafsrauð...

Að venda kúm

2004-10-22T14:02:00.000Z

Er farinn austur á bóginn til að halda tengsl við uppruna minn og rækta átthagana. Römm er sú taug sem rekka dregur, föðurtúna til. Jájájá...

Draumaleiksmenn! Búið ykkur undir kúvendingu.

To serve and protect

2004-10-21T11:34:00.000Z

Fimmtudagar eru dagarnir á eftir miðvikudögum og einnig þeir sem á undan föstudögum koma, ósköp leiðinleg rútína ef maður spáir í það. En við sættum okkur við það. Þannig hefur þetta verið lengi og þannig mun þetta verða lengi. Það eru 7 dagar í vikunni en flest okkar hafa ekki hugmynd um afhverju, allavega ekki ég. En afhverju er talan sjö svona algeng? Tökum nokkur dæmi:

7 vikudagar.
7 undur veraldar.
Guð skapaði heiminn á 7 dögum er haldið fram.
Dauðasyndirnar 7.
7 hliðar á sjöhyrningi.
7 horn á sjöhyrningi.
7up drykkurinn.
Dvergarnir 7.

Svona mætti lengi telja...

Hélstu virkilega að ég væri með eitthvað djúpt þarna á ferðinni? Nei, þar skjátlaðist þér.

Annars er ég að lesa Sögu Íslands III. bindi, um lögfestingu konungsvalds. Geeeeiiiisp! Sagan hefur einstakt lag á að vera jafn leiðinleg og hún er skemmtileg.

Þú ert á valdi mínu...

Þig langar að geispa...







Láttu vaða það sér það enginn...

AAAAAAAA...

DV/handrukkaramálið vindur upp á sig og sér ekki fyrir endann á því. Sigurður Líndal lagaskápur er alltaf að koma með leiðsögutilgátur sem við eigum að spá í, hann kom með eina í gær sem við áttum að rannsaka í hugskoti okkar í framtíðinni. Hún var svona: "Eftir því sem ágreiningsefnið er óljósara, þeim mun illskeyttari og harðvítugri verður deilan." Ég hef ekki hugleitt þetta mikið, sjálfsagt er þetta stundum svona og stundum ekki eins og allt í þessu lífi. En ég er með aðra tilgátu sem hljómar svona: "Eftir því sem brotin eru alvarlegri, þeim mun meira helvítis klúður og getuleysi er á löggæslunni!" Hver kannast ekki við það að vera tekinn á aðeins of miklum hraða eða að fá stöðumælasekt, vera ekki með bílbelti eða að gleyma ökuskírteininu og fá sekt fyrir það allt saman án þess að fá rönd við reist. Einu sinni var ég stoppaður með þokuljósin á bílnum í akstri á Selfossi, löggan stoppaði mig og virðulegur lögreglumaðurinn var með stæla við mig þegar ég sagði honum að ég hafi ekki vitað af því! Djöfull hugsaði ég honum þegjandi þörfina... Stofnum dauðasveit sem er friðhelg frá lögum, svo gæti hún líka bara látið það líta út eins og sjálfsmorð. Það virðist vera aðferðin sem menn nota...

2. Mósebók 21:24
"...auga fyrir auga, tönn fyrir tönn, hönd fyrir hönd, fót fyrir fót,..."

Læt hér að lokum fylgja með 1. grein, 2. tölulið Lögreglulaga til umhugsunar:

2. Hlutverk lögreglu er:
a. að gæta almannaöryggis og halda uppi lögum og reglu, leitast við að tryggja réttaröryggi borgaranna og vernda eignarrétt, opinbera hagsmuni og hvers konar lögmæta starfsemi,
b. að stemma stigu við afbrotum og koma í veg fyrir athafnir sem raska öryggi borgaranna og ríkisins,
c. að vinna að uppljóstran brota, stöðva ólögmæta háttsemi og fylgja málum eftir í samræmi við það sem mælt er fyrir um í lögum um meðferð opinberra mála eða öðrum lögum,
d. að greiða götu borgaranna eftir því sem við á og aðstoða þá þegar hætta steðjar að,
e. að veita yfirvöldum vernd eða aðstoð við framkvæmd starfa sinna samkvæmt fyrirmælum laga eða venju eftir því sem þörf er á,
f. að starfa í samvinnu við önnur stjórnvöld og stofnanir sem hafa með höndum verkefni sem tengjast starfssviði lögreglu,
g. að sinna öðrum verkefnum sem henni eru falin í lögum eða leiðir af venju.

Notið scrolltakkann...

2004-10-18T15:43:00.000Z

Ja góðan daginn hér og nú góðir hálsar og aðrir líkamshlutar. Ég ætla að reyna að halda áfram þessu stopula bloggi mínu.

Maður virðist hafa eitthvað lítið að segja þegar maður er á kafi í lærdómi og því hef ég verið að koma með einhverskonar gátur og aðra vitleysu svona öðru hvoru til að halda einhverju smá flæði inn á þessa síðu. Helgi Jóns vissi svarið við fyrri gátunni og það var að sjálfsögðu Helgi Hóseason nafni hans sem skvetti tjörukenndu efni á Stjórnarráðið til að mótmæla einhverjum andskotanum. Seinni gátan innihélt einhverskonar textabrot úr dómi yfir Steingrími Njálssyni þar sem siðblinda hans var til umfjöllunar. Bjórmálaráðherra sá við mér þar og var ekki lengi að giska á rétt svar. Bjórmálaráðherra virðist vera mikill gátumeistari en er alveg snarómögulegur í Draumaleiknum okkar...

(tenging...jájá)

Talandi um Draumaleikinn, ég tel mig nokkuð vissan um að ég muni ekki hljóta jafn mikið afhroð þessa vikuna eins og síðustu tvær. Að vísu setti Chelsea-leikurinn svolítið strik í reikninginn hjá mér en ég vona bara að einhverjir aðrir hafi stigið í sama drullupoll og ég þar. Það er aðeins einn leikur eftir í umferðinni og hann er í kvöld. Nú verður spennandi að sjá hver fær flestu stigin og keppikefli mitt er að fá fleiri stig í umferðinni heldur en Forsætisráðherra Góðbjórs og Palli G. en þeir hafa verið hvað duglegastir við að hreyta í mig ónotum síðustu vikur... :) Ekki illa meint eins og Þórhallur miðill segir óþolandi oft.

(tenging...jájájá)

Og talandi um hann þá er ég orðinn mjög leiður á hans málflutningi og það er ótrúlegt hvað dautt fólk hefur frá litlu að segja. Helst snýst það um hvað lifandi menn eru góðir eða slæmir söngvarar, hvar myndir eru staðsettar á veggjum og annað svipað ómerkilegt. Það var meiri dulúð yfir Þórhalli þegar hann var í útvarpinu og maður heyrði minna og sá af honum. Komdu með eitthvað krassandi Þórhallur annars geturðu gleymt þessu hvað mig varðar.

Annars var það að gerast um helgina að ég fór í þetta blessaða próf þarna á laugardagsmorgninum kl. 9. Annað veigamesta prófið á önninni og ég var búinn að vera í viku að læra fyrir það. Mér fannst ganga vel að læra svona framan af vikunni en svo á fimmtudeginum fannst mér eins og ég væri að heimskast í þessu upp á nýtt, kominn í hring einhvernveginn. Manni finnst kannski eitthvað vera borðleggjandi til að byrja með en svo les maður bollaleggingar fræðimanna um þennan "einfalda" hlut og þá eru þeir allir á öndverðum meiði gagnvart því og maður hendist á milli skoðana eins og tryllt hæna. Já, tryllt hæna. Mér fannst prófið vera erfiðara en þau gömlu sem ég hafði tekið til að æfa mig á, kannski er það einhver ímyndun í mér og ég er gríðarlega spenntur að heyra hvað öðrum nemendum fannst um þetta próf. Ég ætla ekki að vera með neinar stórar yfirlýsingar með útkomuna úr þessu og ég skipti um skoðun á 5 mínútna fresti um það hvort að mér finnist ég hafa náð eða ekki. Það kemur víst í ljós innan 3ja vikna og ekki getur maður breytt neinu héðan af, það er eitthvað sem maður veit upp á hár.

Mamma, pabbi, María, Mikki og Gabríel voru hjá okkur í Engihjallanum á laugardagskvöldið. Við borðuðum saman og ræddum um allt á milli himins og jarðar. Það er mikið búið að ganga á í þeirra lífi síðustu misserin eins og komið hefur fram og virðist nú vera að lægja vind eitthvað, sem betur fer. María er sveitt í námi eins og ég og ég óska henni góðs gengis í prófinu sem hún er að fara í á morgun.

Svo horfði ég á Silfur Egils á sunnudeginum og þar horfði ég á Bjarna Harðarson reyna að gera lítið úr Mikka með gjörsamlega ömurlegum hætti. Bjarni reyndi að gera því skóna að Mikki ætti ekki að ala upp börn vegna þessa að hann væri ritstjóri á DV. Það er kannski hægt að segja margt misjafnt um DV en að reyna að bera saman að jöfnu föðurhlutverk hans við ritstjórahlutverkið var alveg fáránlegt og honum til mjög mikillar minnkunar. Það er jafn fáránlegt að reyna að halda því fram að fólk sem borðar tómata séu lélegir bílstjórar. Ég get vottað það að Mikki sinnir föðurhlutverki sínu af mikilli ástríðu og það var örugglega þess vegna sem hann æsti sig ekki upp í þættinum. Þeir sem vita betur þurfa ekki að svara dylgjum annarra. Ég var búinn að finna e-mailið hjá Bjarna og var með það fyrir framan mig og ætlaði að senda honum nokkur vel valin orð en svo hætti ég við, hefnd á að bera fram sem kaldan rétt á hlaðborði lífsins (speki). Og svo kemur þetta mér ekki beint við, Mikki er fullfær um að há sínar orrustur sjálfur.

Ég ætla ekki að hafa þennan pistil lengri í dag, sæl að sinni.

Uppfært! (á þriðjudegi)

I do have the brains...I really do...............No?

2004-10-14T13:20:00.000Z

Beckham er uppspretta mikillar visku eins og hann sagði sjálfur eftir að hann viðukenndi að hafa brotið viljandi af sér á móti Wales á laugardaginn síðasta:

"I am sure some people think that I have not got the brains to be that clever ... but I do have the brains," Beckham was quoted as saying.

Ókei það var kannski soldið snjallt að brjóta af sér í þessu tilfelli en hann fær þó engin Nóbelsverðlaun fyrir það, hefur svosem verið gert áður og er ekki flókin ákvörðun. En að segja frá því sannar að hann er heimskari en ca. 6 millimetra sver þvottasnúra! Æi maður getur nú varla annað en vorkennt honum...

Önnur gáta

2004-10-13T15:06:00.000Z

Innsæi í eigin mál var lítið og dómgreind léleg, f.o.f. í málum, sem sneru að félagslegum högum hans og mannlegum samskiptum. Kom þetta m.a. vel fram, þegar framtíðaráform voru rædd við hann. Áberandi var nú eins og áður, hve afneitandi X er á eigin vandamál, hve hann réttlætir eigin hegðun ákaft, jafnvel þegar hann sér, að öllum öðrum sé ljóst, að hann hafi gerst brotlegur. Hann forðast í lengstu lög að taka ábyrgð á eigin gerðum og virðist lítið læra af því, sem áður hefur gerst í hans lífi. Og þegar þörf og möguleikar á meðferð eru ræddir, þá á hann erfitt með að fjalla um þau mál út frá vandamálum sínum, heldur lítur hann á þannig umræðu sem tækifæri til að semja um stöðu sína.

Um hvern er verið að tala þarna?

Gáta

2004-10-12T22:50:00.000Z

Samkvæmt rannsóknargögnum málsins var kærði staðinn að verki við að sletta tjörukenndu efni á veggi Stjórnarráðshússins við Lækjargötu hinn 23. þ. m. Er í skýrslu lögreglu haft eftir honum, að hann væri með þessu að „mótmæla því, að nafn hans væri skráð í Þjóðskrá, og einnig tók hann fram, að hann æti ekki úldið hrossakjöt." Kærði var færður í fangsgeymslu lögreglunnar, en síðan í fangelsið við Síðumúla, og þurfti að flytja hann þangað á börum, þar sem hann neitaði að ganga. Rannsóknarlögreglumenn reyndu samdægurs að ræða við kærða í fangaklefa hans, en hann svaraði þeim engu.

Hver lét svo ófriðlega? Veit það einhver?

Heitasta síðan í dag!

2004-10-12T15:06:00.000Z

http://www.dopsalar.tk/

Firefox og Thunderbird

2004-10-12T14:30:00.000Z

Smelltu á myndina hér fyrir ofan og fáðu þér Firefox vafrann í tölvuna þína. Ég er búinn að vera að nota hann í þónokkurn tíma og hann er bullandi góður, trust me. Ekkert vesen eins og með Internet Explorer vafrann sem Microsoft er með. Svo er ég líka með Mozilla Thunderbird e-mail forrit sem er snilld, frá sama fyrirtæki og vafrinn. Þú getur flutt favorites, póstföng og allt svoleiðis á milli í báðum forritum þannig að þú þurfir ekki að byrja upp á nýtt aftur í því ferli. Til að ná í póstforritið er smellt á myndina hér fyrir neðan.

Borða læri og læri

2004-10-11T14:01:00.000Z

Jæja nú er maður bara heima að læra fyrir sveitt próf á laugardaginn. Maður tekur þetta svona í rispum, lærir í ca. 40 mínútur í senn og tekur sér svo létta pásu á milli. Núna er einmitt ein slík í framkvæmd.

Er núna að lesa um "stjórnsýslukerfið og meðferð mála fyrir stjórnvöldum". Rak augun í setningar sem eru hér í kennsluheftinu sem segja; "...ráðherra...er æðsti embættismaður ráðuneytis. Ráðuneytið fer ávallt með vald ráðherrans..." Þetta orðalag hljómar kannski kunnuglega í eyrum sumra ef það er tengt við fjölmiðlamálið síðasta sumar. Mikið var þrasað um það hvort að forsetinn hefði í raun eitthvert vald eða ekki. Okkur er kennt í lagadeildinni að forsetinn hafi í raun ekkert vald því að hann lætur ráðherrana fara með vald sitt; "13. gr. Stjórnarskrárinnar: Forsetinn lætur ráðherra framkvæma vald sitt." Það efast enginn um vald ráðherra en afhverju er þá efast um vald forseta? Menn vildu meina að forsetinn hefði ekkert vald því að hann láti aðra framkvæma valdið. Ókei. Ef ég er forstjóri í mínu eigin stórfyrirtæki þá mun ég sennilega ráða til mín framkvæmdarstjóra sem ég mun láta fara með vald mitt. En hann má ekki gleyma því að hann væri valdlaus ef að ég myndi ekki láta hann framkvæma mitt vald. (Við skulum ekki blanda persónum inní málið því að það vekur upp tilfinningar og þær er bannað að hafa þegar þú ert að spá í lögfræðilegum málum, þess vegna eru lögfræðingar svona leiðinlegir...)

Þetta eru stafkrókapælingar hjá mér og ekki má gleyma því að þetta eru orð kennarans í heftinu á móti grein í Stjórnarskránni. Ekki alveg sambærilegt en þó kennsluefni bæði. Það má kannski spá í það hvað það þýði að "fara með vald" vs. "að framkvæma vald". Er það sami hluturinn? Og svo þegar allt kemur til alls þá er valdið að sjálfsögðu hjá okkur almúganum því að við erum hlutahafar í þessu fyrirtæki sem kallast Ísland og kjósum menn til að reka þetta fyrirtæki á fjögurra til tveggja ára fresti(forseti eða alþingismenn). Ég er orðinn alveg ruglaður á þessu en kannski er bara best að gera það sem kennararnir segja og vilja til að byrja með og ekki rugga bátnum... Maður verður kannski aðeins að stúdera þetta betur til þess að geta talað af fullri sannfæringu. En nóg um það.

Það var matarboð hérna í Engihjallanum í gær. Ingi, Heiðbjört, Sigvarður litli og Atli komu í mat og það heppnaðist mjög vel. Það eina sem vantaði var Laxi, sonur Atla.

Hér er mynd af tvífara Laxa.

Lambalæri, brúnaðar kartöflur, endalaust meðlæti, eftirréttur og allur pakkinn...úff ég var alveg búinn eftir þetta og maginn var eitthvað vafasamur í gærkvöldi og nótt. Hérna eru myndir úr Reyðarvatnsréttum til heiðurs öllum lambalærum framtíðarinnar.

Ég ætla ekki að minnast á handrukkara eða annan úrgang mannkynsins því að þá gæti ég sagt eitthvað sem hentar ekki öllum að lesa.

Ronaldinho

2004-10-07T19:21:00.000Z

Í tilefni af kjöri á FIFA World Player of the year 2004 vill ég gefa þessum manni atkvæði mitt(sem er einskis virði) Smellið hér!

Af hundum heitum og afbrigðilegheitum

2004-10-05T20:55:00.000Z

Það er orðið ansi langt á milli blogginnleggja hjá manni, sennilega er það vegna þess að tíminn er ekki mikill til að standa í þessu, allt á botni í skólanum. Ekki svosem mikið meira um það að segja.

Menn eru farnir að hnýta í mig varðandi Draumaleikinn þar sem ég er búinn að missa af toppsætinu og það allrosalega. Hér er staðan:

Lið í þessum hóp - Stig - Stig í síðustu umferð
Wengers understudy. 2710 450
Winchtestertonfieldville Wallabees 2690 440
Góðbjór Albions 2620 410
F.C Tinni 2570 320
Hudz F.C 2540 350
Scotland FC 2510 360
Komaso! 2500 280
Gúrkan 2350 350
Mendozas fat dogs 2260 210
Ólafsrauður 2210 350
Houllier 2060 250
Butts_BlingBling 2050 320
Sir drink alot 1290 190
Mök í Flösku 650 320
Jón Hanson 340 340
kingpin fc 0 0

Gunni Þóris er í 1. sæti, Palli G. er í 2., Kiddi Nonni er í 3., Höddi er í 5. og ég er fallinn niður í 7. sæti. Öðruvísi mér áður brá, en núna bregður mér svona. Fyrir aðeins tveimur umferðum síðan var ég í toppsætinu og ekkert virtist ætla að stugga við mér en þessir andskotar sitja um mann eins og hrægammar og bíða eftir að maður misstígi sig. Þetta er ekki búið og ég mun sýna mitt rétta andlit í næstu umferð.

Fór á tónleika með Van Morrison á laugardagskvöldið. Pabbi er mikill Van Morrison aðdáandi og bauð hann okkur Dýu með. Við skunduðum í Laugardalinn ásamt fríðu föruneyti. Það er skemmst frá því að segja að tónleikarnir voru mjög góðir og eðaltónlistarmaður þarna á ferðinni. Svo var farið á skrall á eftir. Marmelaðiumræðan kom við sögu í upphitun fyrir tónleikana og spannst hún út í pylsuumræðu, þ.e. hvað fólk notar á pylsuna sína. Fólk talaði fjálglega um sósur og annað sem það vill nota á bjúgað sitt og kom þar margt athyglisvert fram. Frændi minn hélt því fram að hann notaði eingöngu steiktan lauk á pylsuna en hann hlýtur að hafa mismælt sig eitthvað því að það er aðeins ein formúla til;
brauð,
tómatsósa,
steiktur laukur,
smá remúlaði,
pylsa
og vel af sinnepi ofan á. ATH ekkert nema sinnep ofan á pylsuna! Ég heyrði ein rök fyrir því að það ætti ekkert að vera ofan á pylsunni og þau voru tengd nefstærð, það er eina undantekningin sem hægt væri að gera frá meginreglunni sem ég greindi frá áðan.

ps. Það ku vera falleg hross í Þorlákshöfn...

Áhugavert...?

2004-10-03T14:07:00.000Z

Innlent | mbl.is | 3.10.2004 | 12:19

Sneri sig illa á fæti við fall í Kárahnjúkum

Lögregla á Egilsstöðum fékk tilkynningu á tíunda tímanum í morgun um að starfsmaður við Kárahnjúkavirkjun hefði fallið niður af steypujárnageymslu og meiðst. Í ljós kom að maðurinn hafði snúið sig illa á fæti við fallið. Ekki þurfti að fara með manninn til skoðunar á Egilsstöðum vegna slyssins.

Verkfæri djöfulsins

2004-09-28T13:22:00.000Z

Fyrirvaralaust bilar bíll og þá eru allar fjárhagsáætlanir, þær litlu hægt var að gera, foknar út um gluggann. Djöfulsins bílar! Eða öllu heldur djöfulsins land sem maður býr á að geta ekki verið bíllaus. Hvernig geta dauðir hlutir étið svona mikið af peningum? Var ég búinn að segja djöfullinn? Djöfulsins andskotans djöfull.

Það er eins og lífið geti aldrei gengið nokkuð vandamálalaust fyrir sig í einhvern smá tíma, ef A er í lagi þá klikkar B, heitir þetta ekki Murphy's Law? Það er örugglega til fullt af öðrum kenningum um þetta og þær eru allar sannar, það er margsannað. Svo segir einhver hálfviti; "það sem ekki drepur mann, styrkir mann". Go fuck yourself!

Svooona svona, alveg slakur.

Annars skilst mér að námið sé að fara í einhverskonar fluggír. Svokölluð Almenn lögfræði að byrja í dag, kúrs sem laganemar skjálfa víst við að heyra minnst á. Sjáum til.

Gerði víst í buxurnar í Draumaleiknum um helgina en það er sem vatn undir brúnna þessa dagana. Verð að athuga það mál seinna, sennilega mistök í stigatalningu síðustjóra... :)

Skemmdarverk framin á Hellu
Skemmdarverk voru framin á ýmsum mannvirkjum á Hellu aðfaranótt sunnudags og einnig var brotist inn í hópferðabíl og m.a. stolið talstöð og farsíma. Lögreglan á Hvolsvelli segir ekki ólíklegt að þessi mál tengist.

Lögreglan segir, að einhverjir hafi gert það að leik að brjóta og skemma ljósastaura framan við KB banka á Hellu. Brotnar voru ljósaperur og kúplar. Þá var símaklefi við Þrúðvang skemmdur og úr honum slitið símtólið. Einnig voru unnin skemmdarverk á umferðarmerkjum við Þrúðvanginn auk þess sem niðurfallsristar höfðu verið rifnar upp úr götunni.

Bíllinn, sem brotist var inn í, stóð við Dynskála. Úr henni voru fjarlægð VHF-talstöð og NMT-farsími auk höfuðsetts, sem ökumaður hópbifreiðarinnar notar þegar rætt er við farþega í bílnum.

Lögreglan biður þá sem eitthvað vita um þessi skemmdarverk eða vita hvar búnaður hópbifreiðarinnar er niðurkominn að hafa samband í síma 488 4111.

Þetta las ég á MBL.is áðan. Kallið mig fordómafullan durt en var Götusmiðjan ekki að planta sér í nágrenni Hellu fyrir ekki svo löngu síðan? Greyin litlu eiga svo bágt... Ætli þau séu ekki löngu búin að finna 14. grein Almennra hegningarlaga:

14. gr. Eigi skal manni refsað fyrir verknað, er hann hefur framið áður en hann varð 15 ára gamall.

Fegnastur væri ég ef ég hefði rangt fyrir mér.

Kjörin starfsgrein fyrir...

2004-09-26T18:13:00.000Z

Er að læra(bera saman refsiákvarðanir fíkniefnamála og kynferðisafbrotamála) og rak augun í þetta:

196. gr. [Hver sem notfærir sér geðveiki eða aðra andlega annmarka manns til þess að hafa við hann samræði eða önnur kynferðismök, eða þannig er ástatt um hann að öðru leyti að hann getur ekki spornað við verknaðinum eða skilið þýðingu hans, skal sæta fangelsi allt að 6 árum.]¹⁾
¹⁾L. 40/1992, 4. gr.
197. gr. [Ef umsjónarmaður eða starfsmaður í fangelsi, geðsjúkrahúsi, vistheimili, uppeldisstofnun eða annarri slíkri stofnun hefur samræði eða önnur kynferðismök við vistmann á stofnuninni varðar það fangelsi allt að 4 árum.]¹⁾
¹⁾L. 40/1992, 5. gr.

Þetta finnst mér skjóta skökku við. Kannski fellur seinni greinin undir hina í vissum tilfellum, skal ekki segja. En ef þú ert starfsmaður, sem vistmaðurinn treystir, þá færðu 2 ár í "afslátt". Er ég að misskilja þetta eitthvað eða finnst engum þetta sérstakt?

Oft veltir lítð marmelaði mörgum commentum

2004-09-25T16:05:00.000Z

Er kominn hingað á Hellu í rólegheit, var að horfa á Tottenham tapa fyrir ManUre og var það ekki gaman að horfa á. Hefði glatt mig meira að horfa á Liverpool vinna Norwich 3-0 á Anfield þar sem sóknarmenn liðsins skiptu mörkunum bróðurlega á milli sín.

Gríðarlega heitar umræður eru búnar að vera um stóra marmelaðimálið og ekki sér fyrir endann á þeirri heitu deilu. Ég er búinn að fá nafnlaus símtöl þar sem hringjendur hafa ýmist eingöngu andað í símann með hlaupkenndum hætti eða farið með marmelaðisæringar gagnvart mér. Og þegar ég kom út í morgun þá var búið að teikna djöflastjörnuna með marmelaði á bílastæðið.....scary shit!

Jæja haltu áfram að lesa vitleysingurinn þinn.

ps.
Í gærkvöld var Ástþór Magnússon kærður fyrir að skemma ljósmyndavél sem metin er vel á annað hundrað þúsund. Stúlka átti að hafa tekið mynd af honum á Glaumbar og hann tekið af henni vélina og splundrað henni á barborðinu. Í kjölfar þessa var honum hent útaf staðnum og stuttu síðar kom lögreglan með kæru á hann.

Blóðsúthellingar og marmelaði

2004-09-23T11:21:00.000Z

Jæja ætli það sé ekki best að blogga eitthvað smá. Kóngurinn spurði mig sérstaklega afhverju ég væri ekki búinn að blogga neitt síðan á mánudeginum. Það má til sanns vegar færa að maður sé búinn að vera hálf tjáningarheftur eftir þennan A-GA-LEG-A leik sem var þarna á mánudagskvöldið. Rotinn hundaskítur í blóðugu rassgati andskotans!!! Mér dettur ekkert viðbjóðslegra blótsyrði í hug í augnablikinu. Djöfullinn hafi það bara. Maður er svosem búinn að þróa ýmsar afsakanir í huganum, til dæmis það að ManUre(manure = mykja kv.; húsdýraáburður k.) URÐU að vinna þennan leik annars hefðu þeir gjörsamlega verið búnir að verpa í sig á þessu leiktímabili, bendi á að við erum tveimur stigum á eftir þeim í dag en eigum leik inni á þá, erum því stigi fyrir ofan þá í raun...eða þannig..svona almennt séð. Önnur afsökun er sú að það voru bara 2 bresk hjörtu í Liverpool-liðinu og restin af liðinu skynjuðu einfaldlega ekki mikilvægi þess að vinna þetta pakk sem þeir voru að keppa við. Er með fleiri svona afsakanir á taktein(un)um en ég læt þessar duga. Það er rematch þann 15. janúar 2005 og þá mun blóóóð drjúpa á graslendur Anfield road, og blóðið mun ekki koma frá heimamönnum.

Þetta er eiginlega það eina sem ég hef að segja við ManUre menn:

Síðustu dagar hafa ekki verið merkilegir, bara skólasókn, heimalærdómur og lestur, búinn að vera að dytta að íbúðinni s.s. að negla parketlista og setja saman skrifborð svo eitthvað sé nefnt. Enn vantar sófasett svo að hægt sé að bjóða fleiri en einum í heimsókn í einu.

Hvað er málið með þessa stúlku hér:

Nú er ég ekki neinn sérfræðingur á sviði meðgöngu eða barneigna en hvernig í andskotanum er þetta hægt?! Hún hlýtur að vera annaðhvort spikfeit eða sauðheimsk. Á myndinni virkar hún ekki spikfeit þannig að.......(uppfært: nei andskotinn það eru víst alltaf einhverjar skýringar til. Er að hlusta á endursýningu af þættinum á Skjá 1).

Að öðru leyti hefur maður svosem fátt að segja nema það að ég og frúin erum að fara á morgun á Hellu og verðum við þar um helgina. Hver veit nema að maður fái sér 1 - 2 öl þarna á milli þess sem maður les fræðin, endilega láta vita af sér ef einhver er þarna að þvælast.(uppfært: bíllinn bilaður. Óvíst um allt. Lífið í rúst.)

Enginn leikur með Liverpool í hreyfimyndavarpinu um helgina þannig að maður verður bara að halda með Tottenham á laugardeginum...
Laugardagurinn 25. september
kl. 11:10 Upphitun (e)
kl. 11:40 Middlesbrough - Chelsea
kl. 13:40 Á vellinum með Snorra Má
kl. 14:00 Tottenham - Manchester United
kl. 16:10 Bolton Wanderers - Birmingham

Sunnudagurinn 26. september
kl. 15:00 Portsmouth - Everton

Mánudagurinn 27. september
kl. 22:30 Charlton Athletics - Blackburn Rovers

Og eitt að lokum. Fékk mér ristað brauð með osti og marmelaði í morgun og í tengslum við það langar mig að spyrja þig lesandi góður; setur þú marmelaðið, eða sultuna, ofan á ostinn þinn eða undir hann? Hvort gerir þú og afhverju? Þetta er spurning sem brennur á vörum mínum þessa stundina enda er nauðsynlegt að skera úr þessu sem fyrst hvort er réttara.

Along came Ástþór

2004-09-20T13:52:00.000Z

Jah góðan og belessaðan mánudaginn hér. Helgin er afstaðin og ný og spennandi tækifæri bíða í þessari viku sem framundan er...eða hvað?

Var alveg marandi slakur á föstudagskvöldið, ég og frúin leigðum okkur myndbandssnældu og horfðum á hana, að vísu sofnaði frúin yfir henni eins og svo oft áður :) Myndin hét, og heitir sjálfsagt enn, Along came Polly. Léleg mynd og yfir heildina leiðinleg, einn og einn punktur en skárra væri það nú ef það væri ekki einn og einn punktur í mynd sem búið er að eyða hundruðum milljóna í.

Á laugardagsmorgninum fór ég með vini mínum í smá verkefni og vorum við að því fram að hádegi, græddi á því að vakna snemma þann morguninn. Las fræðin yfir miðjan daginn og svo kom Siggi Sig í Engihjallann og við fengum okkur nokkra öl.

Sá Forsætisráðherra Góðbjórs í viðtali á Stöð 2 í gær, missti að vísu af byrjuninni en mér sýndist hann vera ansi gáfulegur þar sem hann rýndi í kristalskúlu og spáði til um framtíð hins stafræna heims. Smelltu á þessa málsgrein til að sjá kallinn í action.

Verð aðeins að minnast á Ástþór Magnússon "friðarpostula". Hafið þið ekki lesið það nýjasta frá honum? Hér. (eitthvað gallað þó þegar þetta er skrifað) Alltaf að sannast betur og betur að hann er geðveikur, hann gerir lítið annað en að reyna að vekja á sér athygli en þegar honum er sýnd hún þá brjálast hann. Snargeðveikur hálfviti sem á ekkert gott skilið(mín skoðun). Hvar er til dæmis Porche-inn sem hann var búinn að lofa í happdrættinu fyrir kosningarnar síðustu? Og svo er hér umræða um þetta á Málefnin.com sem hann startaði(sennilega hann en þó er það ekki víst).

Myndgátan í dag, hvaða jólasveinn er þetta?

Boltinn í beinni á netinu...og Ryderinn

2004-09-18T14:50:00.000Z

Grillið glamraði

2004-09-17T16:05:00.000Z

Það er oft talað um að allir hafi einn hæfileika eða náðargáfu. Bjórmálaráðherra er með innbyggðan stafrænan afruglara! Spurning hvort að hægt sé að tengja Sýn í gegnum hann og fá óbrenglaða mynd úr sjónvarpinu? Væri gaman að prófa það... Harry Redknapp var góð ágiskun hjá Helga en röng engu að síður.

Hér er upprunalega myndin af John Candy:

Verðlaunin eru notað Mikka Mús-plastglas með allskonar skrúfum í.

Hér er svo Harry Reknapp fyrir þá sem ekki þekkja kauða, ekkert ólíkur brengluðu myndinni :):

Annars einkennast dagarnir af því að leita að sófasetti og borðstofuborði. Þannig að ef þú eða einhver í kringum þig lumið á slíku þá er það vel þegið, verðið verður að vera í sögulegu lágmarki að sjálfsögðu. Fórum í Góða hirðinn í dag en okkur leist ekkert sérstaklega vel á það sem þar var, þetta var bara dýrt og pissublettur í öllu. Annars stakk ég upp á því við Dýu að fylgjast með minningargreinunum í Mogganum og hafa svo uppá dánarbússtjóranum og gera bissness við hann. Svolítið nasty en maður verður að reyna að bjarga sér einhvernvegin. Svo er líka hægt setja auglýsingu í DV sem gæti hljómað eitthvað á þessa leið: "Varst þú að deyja? Ef svo er þá get ég losað þig við búslóðina á fljótlegan og auðveldan hátt. Hringdu í síma 699-0799 og ég kem um hæl!" Þeir sem ekki þola svona húmor geta fengið sér tissjú.

Þetta verður að duga i dag, minni á Draumaleikinn fyrir þá sem eru með lið.

ps. mig dreymdi sökkvandi skip og náttúruhamfarir einhverskonar í nótt....úúúúú.

Hnoðri í norðri verður að veðri þótt síðar verði

2004-09-16T20:25:00.000Z

Í gær var fyrirlestur um Kröfurétt sem var ansi fróðlegur og nokkur skemmtilegur bara verð ég að segja. Margt í Kröfurétti kemur við okkar daglega líf eins og til dæmis samningar og loforð allskonar. Til dæmis er fróðlegt að vita að munnlegur samningur er alveg jafn rétthár og skriflegur nema hvað að það getur oft verið erfiðara að sanna tilvist munnlegs samnings, þá er gott að hafa pottþétt og hlutlaus vitni. En nóg um það ég var að muna að ég á eftir að bora fyrir hillum og hengja ýmislegt upp á veggi hér. Meira síðar. Adios.

Hver er þetta?:

Það fer nú að verða verra ferðaveðrið

2004-09-14T17:26:00.000Z

Michael Landon var það heillin eða Karl Ingalls eins og hann var kallaður á sunnudögum hér í den tid.

Það er ljóst að ég er að vanmeta lesendur og verð því að fara að leggjast undir feld og finna eitthvert algjört skoffín til að breyta. Bjórmálaráðherra fær harðnaða málningarrúllu í verðlaun og getur sótt hana hvenær sem er.

Eins og Palli sagði í commenti við innlegg gærdagsins þá er ég á einhverju "runni" ef "run" má kalla í Draumaleiknum. Er (lang)efstur í lókal-hópnum og í 51. sæti yfir heildina af 4204 liðum. Hérna er staðan svo að ég monti mig aðeins meira, fyrst er nafn liðs svo koma heildarstig og að lokum stig fyrir síðustu umferð.

Hópur: Apollon

Komaso! 1640 540 = ég
Wengers understudy. 1480 380 = Gunnar Þóris
Hudz F.C 1480 480 = Höddi
Winchtestertonfieldville Wallabees 1470 430 = Palli fjallagíraffi
Scotland FC 1450 370 = ???
F.C Tinni 1440 350 = ???
Góðbjór Albions 1440 410 = Kiddi Nonni
Mendozas fat dogs 1320 380 = Guðni Sighvats
Gúrkan 1310 370 = Bjössi lax
Houllier 1230 390 = ???
Butts_BlingBling 1200 340 = Sævar fjallhundur
Ólafsrauður 1030 340 = Haddi Thor
Sir drink alot 460 460 = ???

Þeir sem eru með spurningamerki fyrir aftan veit ég ekki enn hverjir eru og því mega þeir tilkynna sig í commenti hér fyrir neðan.

Ég þurfti að skafa rúðurnar á bílnum í morgun, fari það í kolað.

En nú er kominn tími til að hætta þessu bloggstandi því að þessi stuðbolti hér fyrir neðan er kominn í pössun.

Ég mæli með og ekki með

2004-09-13T23:11:00.001Z

Já þetta var Ingibjörg Sólrún, Dýa sá það á nokkrum sekúndum, nösk sú arna:

Tók því rólega hér á höfuðborgarsvæðinu á föstudagskvöldið. Ég og heitkona mín máluðum fram á kvöld í Engihjalla og gerðum klárt. Borðuðum kvöldmat á Hamragrilli í Hamraborg sem var ekki frásögum færandi nema að þetta er mjög sérstök brasbúlla með "heimilismat" í bland við allskonar jukk. Ég pantaði tvo hamborgara með öllu mögulegu með og borgaði 460 kr. fyrir allt heila klabbið. Gott að versla við staði sem eru með "1"-takkann bilaðan á posanum. Mæli með þessum stað....þannig séð.

Fórum svo í kotið til 4Setans og horfðum á myndina "50 first dates" með Adam Sandler og Drew Barrymore.
Mér leist satt að segja ekkert á þessa mynd þegar ákveðið var að taka hana, en mér var svosem alveg sama eins og alltaf, en svo var hún bara mjög fyndin og góð þannig að ég mæli alveg með henni.

Á laugardeginum barst okkur liðsauki, nánar tiltekið foreldrar mínir, að austan í málverk og allskonar stúss í íbúðinni. Fínn dagur það og maður var orðinn aðeins mildaður á rúllunni í lok dags. Við sváfum í Engihjalla í fyrsta skipti og það var vindsæng sem var á milli okkar og gólfsins á meðan á svefni stóð. Vindsængin var orðinn loftlaus þegar við vöknuðum. Mæli ekki með því.

Á sunnudeginum var verið í flutningum og það er eitt það leiðinlegasta sem ég geri. Mér finnst allt í lagi að hjálpa öðrum að flytja en að vera að standa í því sjálfur finnst mér algjör viðbjóður. Ég endurtek og ítreka og undirstrika og legg áherslu á; aaalgjör viðbjóður. Halldór fékk að kveljast með mér í þessu sem bjargaði sennilega geðheilsunni minni á meðan á þessu brasi stóð. Við höfum lítið breyst frá því að við vorum lillar, síhlæjandi að skrítnu fólki og fyndnum aðstæðum, áttum bágt með okkur þegar einhver vitleysingur fékk far með okkur í lyftunni. Ingi (4Ingi??) var ómetanlegur á flutningabílnum út um allar trissur að sækja búslóð og kann ég honum bestu þakkir fyrir. Svo er 4Setinn búinn að hýsa okkur á meðan maður hefur verið í þessu millibilsástandi og það líka eitthvað sem maður getur ekki þakkað nógu vel fyrir, heldur verður bara að sýna það vonandi í framtíðinni að sá greiði er ekki gleymdur heldur geymdur. Svo er Viddi Kóngur búinn að redda mér í ýmsum símamálum og það var vel þegið því að það getur verið ansi erfitt að gera sig skiljanlegan við þjónustuverin. Hvar væri maður ef maður hefði ekki fjölskyldu og vini? Mæli sterklega með fjölskyldu og vinum.

Að lokum vil ég benda á þetta lag hér(smella á "Download MP3 Now!" á miðri síðu til að sækja) sem er mér framarlega á tungu þessa dagana, rólegt og gott eins og elgur á Valíumi.

Hér er ný myndgáta og ég skal hundur heita ef einhver getur þetta, já hundur.

Maður dagsins og gærdagsins

2004-09-10T14:02:00.000Z

Nenni ekki að blogga en ég verð að líma þetta hér inn sem ég fékk í pósti í dag:

Skilaboð til UNGLINGA og foreldra þeirra.
Bill Gates hélt nýlega fyrirlestur fyrir unglinga í gagnfræðaskóla í
Bandaríkjunum. Hann talaði um reglurnar 11 sem þau hafa ekki og munu ekki læra um í skólanum. Um agaleysi og nýjar áherslur í kennslu sem að munu skila nýrri kynslóð út í þjóðfélagið dæmdri til að mistakast. Elskaðu hann eða hataðu, en víst er að hann hittir hér naglann á höfuðið.

Regla 1: Lífið er ekki réttlátt, reyndu að venjast því.

Regla 2: Veröldinni er sama um þitt sjálfsálit. Allir ætlast til að þú áorkir einhverju áður en þú ferð að vera ánægð/ur með sjálfa/n þig.

Regla 3: Þú munt ekki þéna 4 milljónir á ári strax þegar þú útskrifast úr skóla og þú verður ekki framkvæmdastjóri fyrr en þú hefur unnið fyrir því.

Regla 4: Ef þér finnst kennarinn þinn strangur og erfiður, bíddu þangað til að þú færð yfirmann.

Regla 5: Að snúa hamborgurum á skyndibitastað er ekki fyrir neðan þína virðingu. Amma þín og afi áttu til annað orð yfir það að snúa hamborgurum. Þau kölluðu það TÆKIFÆRI.

Regla 6: Ef þú klúðrar, þá er það ekki foreldrum þínum að kenna svo hættu að væla og lærðu af mistökunum.

Regla 7: Áður en þú fæddist þá voru foreldrar þínir ekki svona leiðinleg eins og þau eru núna. Þau urðu svona eftir að: hafa borgað fyrir uppeldi þitt, þvo fötin þín, þrífa til draslið eftir þig og hlusta á hvað þú ert COOL og þau eru hallærisleg. Svo áður en þú og vinir þínir bjargið regnskógunum og leysið heimsmálin, reyndu þá að taka til og koma reglu á herbergið þitt.

Regla 8: Það getur vel verið að skólinn útskrifi bæði sigurvegara og tapara en lífið gerir það EKKI. Í sumum skólum er hægt að taka sama prófið aftur og aftur.Þannig er þetta ekki úti í atvinnulífinu.

Regla 9: Lífið skiptist ekki í annir og þú munt ekki hafa frí öll sumur. Mjög fáir samstarfsmenn munu hafa áhuga á að hjálpa þér að finna sjálfanþig. Gerðu það í þínum eigin tíma.

Regla 10: Sjónvarpið er ekki raunveruleikinn. Í raunveruleikanum þarf fólk í alvörunni að yfirgefa kaffihúsið og fara í vinnuna.

Regla 11: Vertu NICE við nördana í skólanum, það endar mjög líklega með því að þú þarft að vinna hjá einhverjum þeirra.

Bill Gates, nörd í skóla.

Hér er næsta gáta:





Er að fara að mála, þeir sem vilja hjálpa mér eru velkomnir.

S: 699-0799.

Ýrist nánast ekki neitt!

2004-09-09T22:08:00.000Z

Enginn skóli í dag frekar en aðra fimmtudaga og því fór dagurinn í undirbúning á nýjum dvalarstað. Spartla, mála, skera, kroppa, skrúfa, slíta, skafa og fleira í þeim dúr. 4Setinn málaði og ég var eitthvað að flækjast fyrir honum á meðan. Það er gott að hafa svona vanan mann á rúllunni, hann talaði fjálglega um málninguna og hafði það á orði að hún ýrðist nánast ekki neitt. Verkin eftir hann eru víða og er eitt af hans bestu verkum þakið á Ljósá sf. Dynskálum 26, Hellu. Ég hvet fólk til að gera sér sérstaka ferð þarna austur til að berja þetta listaverk augum. Ótrúlega vel að verki staðið.

Nú þurfa þeir sem ekki eru búnir að stilla upp liði sínu í Draumliðskeppninni að fara að gera það, það líður að næstu umferð.

Mæli með þessu hér.

Nokkrir tóku þátt í myndagetrauninni sem ég setti fram í gær. Danakonungur þarf ekki að hafa áhyggjur af því hvort þurfi að varpa hlutkesti um svarið, því hann hafði rangt fyrir sér eins og Dýa. Hins vegar höfðu 4Setinn og Forsætisráðherra Góðbjórs RÉTT FYRIR SÉR og óska ég þeim innilega til hamingju. Forsætisráðherra fær fullt hús en þó mínusstig fyrir að nefna tvo menn, en reddar sér með því að fá plússtig fyrir að spotta Sammy Lee fyrir aftan Myndgautinn. 4Setinn fær fullt hús án allra málalenginga, hann nefndi Owen og engan annan. Þeir hljóta naflaló í verðlaun og geta sótt hana úr naflanum á mér hvenær sem er.

Hér er Owen fyrir og eftir:

Nú hristi ég fram úr erminni aðra myndgátu. Hver er maðurinn?

Getraun dagsins

2004-09-08T16:35:00.000Z

Núna er maður hér í Hafnarfirðinum að hlusta á Michael Jackson með 4Setanum, hver veit nema að við tökum nokkur dansspor þegar líður á daginn. Ekki mikið að gerast en þó er ég sennilega að fara austur á Hellu í kvöld. Það líður að flutningum í aðra íbúð sem verður staðsett í Engihjalla í Kópavogi, þá getur 4Setinn kannski átt eitthvað einkalíf loksins. Hann er sjóðandi heitur piparsveinn um þessar mundir og þarf space til að athafna sig...

Talandi um space, það verður sennilega of mikið af því í nýrri íbúð og við þurfum að redda okkur sófasetti ódýrt eða gefins sem gott er að hlamma sér í fyrir framan sjónvarpið. Áttu eitthvað?

Svo er hér myndgetraun að lokum. Var að fikta í Photoshop með frægan erlendan einstakling. Hver er maðurinn?

Þjófur um hábjartan dag

2004-09-06T21:55:00.000Z

Gott kvöld.

Helgin þessi var ansi róleg og græt ég það ekki. Fínt að taka svona gersamlega steindauða helgi svona öðru hvoru. Horfði á landsleikinn í fótbolta og þeir klikkuðu ekki frekar en fyrri daginn, vitna í bloggið mitt frá því á föstudaginn:

"Auðvitað vona ég að þeir vinni en ég er ansi hræddur um að við hrökkvum í sama farið og áður þ.e.a.s. að sýna ekki okkar besta leik þegar á reynir."

Já það getur verið þreytandi að hafa alltaf rétt fyrir sér

Fór í skólann í morgun eins og lög gerðu ráð fyrir, þetta ætlar að verða ansi mikill lestur sýnist mér og ég held bara að ég verði að hafa mig allan við að skipuleggja tímann næstu daga. Brjálað að gera.

Nú fer að líða að næstu umferð í Enska boltanum og Draumadeildin er enn í fullum gangi þótt að það sé búin að vera ansi löng pása núna vegna landsleikja. Minnir mig á það að ég sá að það var eitt lið búið að bætast í hópinn; Sir Drink alot. Hver er eigandi þess liðs, veit það einhver? Ég veit heldur ekki ennþá hverjir eiga liðin F.C. Tinni, Scotland FC og Houllier. Ef þeir eru að lesa þá mega þeir láta ljós sitt skína.

Var að skoða dóma á Hæstiréttur.is og vantaði eitthvað leitarorð til að prófa leitarvélina, það eina sem mér datt í hug var Árni Johnsen. Þvílík lesning, kallinn hefur verið ansi bissí þegar hann var uppá sitt besta. Hér er smá sýnishorn úr ákærum fyrir héraðsdómi, gamalt en sígilt:

1. eldhús- og baðinnréttingu sem hann tók út hjá Samnorræna, Reykjavík, í viðskiptareikning Ístaks hf. samkvæmt beiðni Ístaks h.f. til sölufyrirtækisins.

2. ýmis hreinlætistæki og pípulagningaefni sem hann tók út hjá Tengi ehf., Kópavogi, samkvæmt reikningi dagsettum 8. júlí 1997 að fjárhæð kr. 231.810 og lét greiða af fjárveitingum byggingarnefndarinnar.

3. fánastöng, límtrésbita, sem hann tók út hjá Stálsmiðjunni hf., Reykjavík, í viðskiptareikning Ístaks hf. samkvæmt beiðni Ístaks hf. til sölufyrirtækisins.

4. álstiga sem hann tók út hjá Húsasmiðjunni hf., Reykjavík, í viðskiptareikning Ístaks hf. samkvæmt beiðni Ístaks hf. til sölufyrirtækisins.

5. þjóðfána og veifur sem hann tók út hjá Íslensku fánasaumastofunni, Hofsósi, samkvæmt reikningi dagsettum 16. ágúst 1999 að fjárhæð kr. 247.133 og lét greiða af fjárveitingum byggingarnefndarinnar.

Og svo framvegis..........og svo framvegis..............

Ég nennti náttúrulega ekki að lesa þetta allt en dómurinn er hér ef þið hafið nægan tíma. Munið eftir þessu þegar hann býður sig fram í næstu alþingiskosningum.

Hryðjuverkin í Beslan

2004-09-04T16:14:00.000Z

Að minnsta kosti 322 fórust þegar blóðug endalok urðu á gíslatökunni í gær. Um helmingur hinna látnu voru börn.

Upphaf
The attackers had stormed into the school on Wednesday, forcing everyone into the gym.

Aðstæður
The hostages are held in a small gymnasium, more than 1,000 of them crammed into a room not much bigger than a basketball court.

Snúningspunktur
Just before 0900 GMT, emergency workers enter the school to recover the bodies of dead hostages, thought to be about 15.
Minutes later, explosions and gunfire are heard and, at about 0915, a group of hostages of different ages manages to escape.

Árás
Special forces storm the school. However, the security cordon is breached by relatives, many of them armed, who mingle with the troops running towards the buildings.
Russian President Vladimir Putin later says the decision to go in was unplanned and taken after the attackers started shooting at children.

Flótti
As troops move in, half-naked and bloodied children begin running out of the school. Others are carried out by adults.

"Endalok"
In the confusion that follows the storming of the school, a group of attackers manages to flee, apparently by mixing in with hostages and relatives flooding the area.
Some of the attackers reportedly head south and take refuge in a nearby house where they are surrounded by special forces and later killed.

Tekið af http://news.bbc.co.uk/1/shared/spl/hi/world/04/russian_s/html/1.stm

Ekki trúa öllu sem þér er sagt

2004-09-03T20:14:00.000Z

Það var mjög leiðinlegt á þessari kynningu fyrir nýnema í HÍ á miðvikudaginn. Ræðuhöld og almenn leiðindi. Ég vissi ca. 90% af því sem verið var að kynna þarna, enda búinn að vera að kynna mér málin upp á eigin spýtur undanfarið og hefði alveg eins getað sleppt því að fara. Græddi þó eina kenningu af rektorum, hún var um gagnrýna hugsun og var eitthvað á þá leið að maður ætti aldrei að trúa neinu eða að sætta sig það við fyrr en maður skilur það. Man ekki alveg hvernig þetta var orðað hjá honum en ég skildi hvað hann var að fara. Þetta er sennilega ástæðan fyrir því að ég trúi ekki á Guð.

Í gær voru rólegheit þannig séð. Var bara hér heima við að glugga í bækur og skipuleggja. Skutlaði svo 4Setanum og Birki útí Breiðholt til Sjallans þar sem þeir ætluðu að hefja steggjun á vini þeirra, Trausta. Skutlaði þeim svo seinna um daginn í Kringluna, þar var sprellað og steypuhrærivélin mátti hafa sig alla við til að taka við þessu bulli öllu saman. Ég hélt mig alltaf í passlegri fjarlægð frá þeim því að ég var edrú og þar af leiðandi ekki mjög aktívur í almennum fíflagangi. Þetta heppnaðist samt mjög vel hjá þeim og margt fyndið brallað. Fékk mér nokkra öl með þeim um kvöldið.

Það er landsleikur í fótaknattþeytu á morgun. Ísland og Búlgaría munu etja kappi og nú er bara að sjá úr hverju íslensku strákarnir eru gerðir. Auðvitað vona ég að þeir vinni en ég er ansi hræddur um að við hrökkvum í sama farið og áður þ.e.a.s. að sýna ekki okkar besta leik þegar á reynir.

Ég heyrði ansi góðan brandara um daginn.

Hitti Sævar í Kringlunni í dag eftir langt hlé. Við ræddum stuttlega um það sem efst var á baugi, gaman að hitta kauða og við gömlu fjallhundarnir eigum vonandi eftir að hittast oftar í vetur enda erum við orðnir skólabræður.

Ég veit ekki hvað ég á að segja meira því það er ekkert í gangi. Ekkert eitt sem er að pirra mig þessa dagana, nokkuð sáttur við dýr og menn. Vil þó benda fólki á að kaupa sér ekki jarðarberjaskyrsjeik á Boozt-barnum í Kringlunni, hann var snarvondur og fokdýr, minnsta dollan ca. 0,4 L. á 440 kr. Ég segi nei við svoleiðis "ripp-offi".

Breikdans og barsmíðar

2004-09-01T11:09:00.000Z

Er á Þjóðarbókhlöðunni núna og er að velta því fyrir mér hvern andskotann ég á að gera hérna.

Vaknaði fyrir kl. sjö í morgun, skutlaði konunni í skólann og fór svo í fyrsta tímann á þessari önn kl. 8.15 en hann var frekar stuttur og núna er ég að bíða eftir almennum kynningarfundi sem byrjar kl. 14 í hátíðarsalnum í aðalbyggingu HÍ. Ég hef aldrei á ævinni komið inní aðalbyggingu Háskóla Íslands...ég hlýt að finna þennan sal.

Fyrsti tíminn hræddi mig ekki mikið, þetta var svona almennt séð eins og ég bjóst við, vissulega verður þetta strembið og allt það en það eru engar nýjar fréttir. Kennarinn sem mun kenna 80% af önninni, Róbert R. Spanó, virkaði ágætur og ég skildi það sem hann var að segja, hann talaði mannamál. Hann talaði meðal annars um að það væri ekki endilega gott að glósa á fyrirlestrum eins og tryllt hæna heldur að vera frekar búinn að lesa efnið sem á að taka fyrir í tímanum og hlusta, skilja og taka þátt í fyrirlestrinum með fyrirspurnum og slíku. Þetta er eitthvað sem ég var búinn að ímynda mér að væri réttast að gera og þarna fékk ég staðfestingu á því. Ég var ekki aldursforsetinn í nemendahópnum sýndist mér en ég er sennilega nær efri mörkunum. Ég var einn af fáum sem kom með spurningu í morgun, hún tengdist því hvenær væri frí að sjálfsögðu :).

Annars minnir mig að einhver breikari hafi heitað Róbert Spanó hér á níunda áratugnum, breikaði í Galtalæk og í Tónabæ meðal annars, spurning hvort að þetta sé hann? Hann á kannski eftir að taka nokkur spor á sviðinu í Háskólabíói í vetur, hver veit? Var líka að velta því fyrir mér að það getur í raun hver sem er labbað þarna inn í Sal 2 í Háskólabíó og hlustað á fyrirlestra á morgnanna því það eru 214 nemendur skráðir á fyrsta ár og því þarf kennarinn að vera verulega mannglöggur ef hann ætlar að "spotta" einn úr hópnum sem er ekki skráður í námskeiðið. Því hvet ég hér með áhugasama að skella sér með mér einn morguninn og hlusta á einn fyrirlestur eða svo. Annars líst mér bara vel á þetta eins og staðan er.

Það er ein kona hér inni sem hóstar leiðinlega hátt og oft. Og svo sýgur hún uppí nefið með reglulegu millibili líka. Er að hugsa um að lemja hana í hausinn með músarmottunni eða reglustiku sem einhver hefur gleymt hér. Vildi bara koma þessu að. Reglustikan er glær, 20 cm. á lengd og talsvert mikið notuð sýnist mér. Ef einhver saknar hennar þá er hún við tölvu "alm4h12" á 4. hæð Þjóðarbókhlöðunnar Arngrímsgötu 3, 107 Reykjavík, sími 525-5779.

Jæææja......hvað á maður nú að gera núna?

Lífið...

2004-08-31T21:58:00.000Z

Fer í skólann í fyrramálið, valhoppandi með skólatöskuna í annarri og rautt epli í hinni. Finnst eins og ég sé hálfstressaður en það er örugglega einhver vitleysa í mér. Kannski renn ég á bananahýði þegar ég labba inn í salinn og rotast og þetta verður það fyrsta sem ég sé þegar ég opna augun aftur...

Nei enga svartsýni hér og hræðslu! Ég er bestur þangað til að einhver sannar annað! Upp með sjálfstraustið!

"Ég augum lít fólkið, ályktun dreg,
bara einmanna mannverur rétt eins og ég."

Og svo kom Kaninn...

2004-08-29T21:59:00.000Z

Lítið að gerast þessa dagana. Var að stússast með Sigga Sig á fimmtudag og föstudag, fór austur á Hellu á föstudagseftirmiðdag í sveitasælu og leti. Tók nokkra öl og Kana með mömmu, pabba og Dýu á föstudagskvöldinu, ágætt að rifja Kanann upp aðeins hef ekki spilað hann í mörg herrans ár. Var sigurvegari kvöldsins, var mest hissa á því sjálfur.

Svaf vel út á laugardagsmorgun, horfði á alla þrjá leikina í enska boltanum, gluggaði í námsbækur og tók því rólega. Á laugardagskvöldi var farið aftur í Kana en nú með húsráðendum á Þrúðvangi 22, Dýrfinnu og Þóri. Var lúser kvöldsins, og var ekkert hissa á því sjálfur. Veit einhver þarna úti hvað Kani, eða sambærilegt spil, heitir á ensku?

Hef ekki lyst á því að tala um Liverpool.

Lifið heil.

Mokstur og lestur

2004-08-25T10:17:00.000Z

Eftir vinnu á mánudaginn tókum við Atli skorpu í mokstri úti í garði hjá honum, okkur fannst yfirborð jarðvegsins á lóðinni hans fullhátt og því tókum við þá ákvörðun að við þyrftum að lækka það um 30 cm. eða svo. Þessi mokstur getur þó eitthvað tengst því að hann ætlar að setja upp pall í garðinum hjá sér á næstu dögum.

Fór svo í gær og keypti mér eitthvað af námsbókum fyrir veturinn. Gat ekki stillt mig um að gæða mér á bókinni "Réttarfar í hnotskurn" sem fjallar um réttarfar, í hnotskurn semsagt... Núna veit ég allt um héraðsdómstóla, hæstarétt, landsdóm, gerðardóm, félagsdóm, kjaradóm, djöfuldóm og sjúkdóm.

Clinton kom og hreif landann og þar á meðal mig, það er eitthvað við þennan mann sem hrífur mann. Hann er ekki þessi týpíski pólitíkus að hlusta á.

Annars er ekki mikið sem mér liggur á hjarta eins og er. Bloggandinn er ekki yfir mér þessa dagana, hann hlýtur að láta sjá sig innan tíðar.

Síðasti og sísti dagurinn

2004-08-23T11:28:00.000Z

Fór austur á föstudaginn og endaði uppí Þjórsárdal þar sem við gistum eina nótt í útilegu. Þetta var stutt og laggott ferðalag. Fámennt en góðmennt þarna uppfrá og ég drakk alltof mikinn bjór. Skelþunnur á laugardeginum. Síðasta útilega sumarsins hjá okkur Dýu spái ég.

Á laugardeginum var akkúrat EKKERT gert og þá er það upp talið.

Á sunnudeginum fórum við Dýa í bæinn í klippingu til Maríu og þar gleymdi ég pokanum.

Ég er búinn að semja um það við ráðendur í TR að þetta verði síðasti dagurinn minn hér og er ég mjög ánægður með að það náðist í gegn. Ekki það að ég sé óánægður hér heldur er bara svo mikið að gera á öllum vígstöðvum að ég verð bara að fá nokkra góða daga án Guðnýjar áður en skólinn byrjar.

Draumdeildin er farin af stað aftur og eru sumir ánægðir eftir helgina og aðrir síður vænti ég. Gunnar Þóris er efstur í hópnum okkar og Haddi Thor er neðstur eins og hann var sjálfur búinn að spá fyrir um.

Wengers understudy. 410
Góðbjór Albions 400
F.C Tinni 350
Houllier 340
Winchtestertonfieldville Wallabees 330
Mendozas fat dogs 290
Komaso! 280
Hudz F.C 270
Scotland FC 260
Butts_BlingBling 250
Gúrkan 250
Ólafsrauður 240

Ég ríð ekki feitum hesti eftir þessa umferð, er í 1186. sæti af 3394 keppendum en var í 47. sæti eftir fyrstu umferðina sem fór úrskeiðis vegna tæknilegra örðugleika. Bendi þó á að mér taldist til að ég væri með 300 stig en ekki 280 í þessari umferð með Komaso!. Kemur í ljós.

Bendi svo fólki á sem hefur séð þessi málverk hér að neðan nýlega að það er verið að leita að þeim úti í Osló.

Yessssssss!

2004-08-20T14:53:00.000Z

Svona var svipurinn á mér þegar ég fór inná Draumaliðssíðuna áðan. Guðni veit afhverju.

Múúúúúhahahahahahahaaa!

Múúúúúúúúúúúúúúúúú ha-ha-ha-ha-haaaa!

Liverpool sign Garcia

2004-08-20T08:18:00.000Z

Breaking News

Liverpool have signed Luis Garcia from Barcelona for £6m subject to a medical, according to the Spanish club.
Garcia, 23, could become the third player to arrive at Anfield from La Liga this week as new boss Rafael Benitez plunders his home country.

Real Madrid's Antonio Nunez has already signed and Xabi Alonso of Real Sociedad could follow soon.

Garcia plays up front or on the right and will add depth to an attacking department which has lost Michael Owen.

Nú er mér farið að lítast á hópinn, hefði samt viljað bæta einum varnarmanni við pakkann. Ekki öll nótt úti enn með það.

Frí í fríinu

2004-08-19T13:22:00.000Z

Nú er skólinn óðum að nálgast og ekki laust við að maður sé að fá smá fiðring. Það virðist ekkert breytast þó að maður sé að slaga í þrítugt, ætli það sé ekki bara eðlilegt. Er þessa dagana að reyna að redda mér bókum að láni eða ódýrt og hér fyrir neðan er bókalistinn ef þið skilduð vera með eina af þessum bókum uppi í hillu eða í hanskahólfinu í bílnum.

Inngangur að lögfræði haust 2004

Lesefni.
1. Andri Árnason: Réttarfar í hnotskurn. Rv. 2003.
2. Ólafur Lárusson (Andri Árnason sá um útg.): Kaflar úr kröfurétti Ólafs Lárussonar. Rv. 2003.
3. Andri Árnason: Þættir úr persónurétti. Rv. 2001 (fjölrit).
4. Arnljótur Björnsson: Skaðabótaréttur. Rv. 1999.
5. Stjórnarskrá lýðveldisins Íslands nr. 33/1944.
6. Róbert R. Spanó: Almennt um refsiheimildir og skilyrði refsiábyrgðar. Rv. 2004 (fjölrit til kennslu).
7. Róbert R. Spanó: Stjórnsýslukerfið og meðferð mála fyrir stjórnvöldum - samantekt. Rv. 2004 (fjölrit til kennslu).

Almenn Lögfræði haust 2004

Lesefni.
1. Ármann Snævarr: Almenn lögfræði. Rv. 1989 – ljósprentað fjölrit valinna kafla til kennslu.
2. Davíð Þór Björgvinsson: Lögskýringar. Rv. 1996 eða síðari útg.
3. Sigurður Líndal: Um lög og lögfræði, grundvöllur laga – réttarheimildir. Rv. 2002.
4. Sigurður Líndal: Inngangur að lögfræði III. Þjóðréttarreglur I., II. og III. Að mestu óbr. frá hausti 1999.
5. Sigurður Líndal: Um birtingu laga og annarra fyrirmæla. Úlfljótur, 2. tbl. 57. árg. 2004. (Væntanlegt í september nk.)
6. Skúli Magnússon: Hin lagalega aðferð og réttarheimildirnar. Rv. 2003.

Hliðsjónarefni:
7. Jón Steinar Gunnlaugsson: Um fordæmi og valdmörk dómstóla. Rv. 2003.
8. Skúli Magnússon: Fordæmi Hæstaréttar og EFTA-dómstólsins. Úlfljótur 2002, 2. tbl., bls. 191.

Þetta er óneitanlega spennandi listi og ég get ekki beðið eftir því að rífa þessar bækur í mig! Þetta verður mikill lestur og mig hlakkar jafn mikið til og mig kvíðir fyrir. Fékk ráð hjá vini frænda míns, Gunnari Erni, hann sagði; "bara lesa eins og tittlingur og massa beinagrindurnar!". Skilaboð móttekin.

Menn geta enn skráð sig í Draumadeildina og ég hvet menn til þess hér með. Það gladdi mig að sjá að Sævar gaur hefur fengið skilaboðin frá mér og er hann eigandi liðsins "Butts_blingbling". Hann vill vinna keppnina en ég held að það sé alveg vonlaust hjá honum, hann heldur með Manchester United og það segir allt sem segja þarf.

Alveg var það dæmigert að Íslendingar myndu vinna Ítali í gær eins og allir vita. Þetta er yfirleitt alltaf þannig með íslensk landslið að þau gera hið ótrúlega þegar enginn býst við því af þeim, eins og í gær. Svo byggjast upp væntingar hjá landanum og það fer umræða í gang í fjölmiðlum um það að "við getum sko unnið hvaða stórþjóð sem er á góðum degi". Næsti leikur er 4. september að ég held og er hann í undankeppni HM 2006, alvöruleikur semsagt. Þá mætti segja mér að við myndum tapa eða skíta almennt á okkur í þeirri undankeppni vegna þess að þá er pressa og það þolum við ekki virðist vera. Liðin með okkur í riðlinum eru Svíðþjóð, Króatía, Búlgaría, Ungverjaland og Malta. Íslensk íþróttalið virðast þrífast á vonleysi eins undarlega og það kann að hljóma.

Nú er búið að lána El-Hadj Diouf (eða hvernig sem það er skrifað) til Bolton og fagna ég því. Hann virðist vera spjátrungur og ég vona að hann standi sig frábærlega hjá þeim svo að við getum selt hann á buns of money seinna.

Langar líka að benda á ömurlegan dagskrárlið á Sýn í kvöld sem ég get ekki ímyndað mér að markhópur Sýnar hafi áhuga á, þeir hafa sennilega ruglast við það að tapa baráttunni um Enska boltann:

21:00 Sven and Me - Kvennabósinn Sven Goran
Sven Goran Eriksson hefur náð góðum árangri með enska knattspyrnulandsliðið. Hann er samt mjög valtur í sessi enda er einkalíf hans í skrautlegra lagi. Ítölsk unnusta hans til marga ára gaf Svíanum loksins reisupassann eftir enn eitt framhjáldið. Í fyrra svaf Sven Goran hjá veðurfréttastúlka en nýjasta viðhaldið er ritari hjá enska knattspyrnusambandinu. Hún heitir Faria Allam og segir hér sína hlið á málinu í opinskáu viðtali.

Jesús minn.

Ég fer á Hellu á morgun og ætla ekki að taka þátt í Menningardegi/nótt. Hefði verið til í það undir öðrum kringumstæðum en ég held bara að það sé komið nóg af þessu útstáelsi í sumar, það hefur varla ein helgi dottið út dagskrárlaus. Ég ætla bara að sitja á naglabrettinu mínu um helgina með handklæði um hausinn og íhuga.

Og einn brandari í lokin í tilefni af ólympíuleikunum:
George W Bush begins his speech to open the Olympic Games. "Ooooooo! Ooooooo! Ooooooo! Ooooooo! Ooooooo! An aide comes over and whispers: "Mr President, those are the Olympic rings, your speech is below!"

Heimtur úr helju

2004-08-18T08:23:00.000Z

Hremmingar síðustu tveggja daga hafa haldið mér algjörlega frá alnetinu. Kom að austan snemma á mánudagsmorgun og náði þá tannpínan sem ég var búinn að vera með síðustu 2-3 vikur einhverskonar hámarki og varð ég frá að hverfa úr vinnu fyrir kl. 9 þann morgun. Verkjatöfluátið var komið fram úr hófi og þær voru hættar að vinna á verknum. Var búinn með 7 töflur af sterkustu gerð fyrir kl. 10 á mánudagsmorgun og var enn illt. Dýa pantaði tíma fyrir mig á stofunni sinni því að ég held að minn gamli tannlæknir hafi orðið gjaldþrota vegna langrar fjarveru minnar...ég hræðist fátt meira en tannlækna.

Töðugjöldin voru fín, var rólegur á föstudagskvöldinu en fékk mér aðeins í tánna með Inga Frey, bróður Dýu, bara heima í rólegheitum. Á laugardeginum var farið og horft á knattspyrnumót sem var haldið á Helluvelli og liðið sem ég hélt með, Sir Drinkalot, tapaði öllum sínum leikjum nema einum sem fór jafnt.

Svo fórum við Atli um kvöldmatarleytið og hittum Elís og Sigga í Félagsheimilinu uppá Gaddstaðavelli, vorum þar eins og hálfvitar með alltof mikið vín. Kvöldvakan var ekki minnisstæð og skemmtiatriðin voru æði misjöfn, á tímabili var maður ekki alveg með á hreinu hvort að þau væru almennt byrjuð.

Draumadeildin fór vel af stað fyrir mig og Guðna, Guðni djöfull var með Jay-Jay Okocha í liðinu en ég tók hann út úr liðinu mínu á síðustu stundu...#"!?(&=/!"%=/$!"#!"! Guðni er staddur í 26. sæti á "landsvísu" með 420 stig eftir þessa fyrstu umferð og er það gæsilegur árangur en það eru 3036 lið skráð í keppnina þegar þessi orð eru rituð. Ég er með þrjú lið í keppninni en aðeins eitt í hópnum Apollon, eitt af liðunum mínum er með 380 stig í 78. sæti á landsvísu. Guðni, ég skal ná þér...

Ég hvet menn til að láta vita hver er eigandi hvers liðs, það eru ekki allir sem lesa þessa síðu mína sem eru að keppa en ég tel að meirihlutinn geri það. Ef þú veist hver á eitthvað lið láttu þá vita hér í comments.

Eigendur sem ég veit um:

Mendozas fat dogs 410 = Guðni
Komaso! 320 = Ég
Winchtestertonfieldville Wallabees 290 = ???????
Wengers understudy. 280 = Gunnar Þóris.
Góðbjór Albions 260 = Kiddi Nonni.
Houllier 250 = ??????
Butts_BlingBling 240 = Sævar háfjallahundur
Ólafsrauður 210 = Haddi Thor.
Gúrkan 180 = Bjössi
Hudz F.C 130 = Höddi
Scotland FC 0 = ???????
F.C Tinni 0 = ??????

Í vikulok

2004-08-13T16:03:00.000Z

Two Gay Guys are walking through the San Diego zoo. They come across the gorilla cage and notice that the male gorilla has a massive erection. The gay men are fascinated by this. One of the men just can't bear it any longer, and he reaches into the cage to touch it.

The gorilla grabs him, drags him into the cage, and mates with him for six hours, non-stop, while the zoo attendants helplessly stand by. When he's done, the gorilla throws the man out of the cage. An ambulance is called and the man is taken away to the hospital.

A few days later, his friend visits him in the hospital and asks, "Are you hurt?" "Am I hurt... AM I HURT?" the patient shouts. "Wouldn't you be!? He hasn't called. He hasn't written..."

Draumadeildarmál

2004-08-13T11:43:00.000Z

Gummi forritari hafði samband við mig og sagði mér að "mörkuðum" yrði lokað fyrir fyrstu umferðina kl. 11.40 á morgun laugardag, þannig að nú fer hver að verða síðastur að skrá inn lið. Hann ætlar að gera hvað hann getur til að verða við óskum "neytenda" en hann er einn að vinna sveittur í þessu í frítíma sínum. Varðandi pælingar Forsætisráðherra Góðbjórs þá benti hann á að það er hægt að smella á linkinn "Enska úrvalsdeildin" til að skoða leikmenn áður en þú ákveður að kaupa og selja (open in a new window jafnvel). Svo má kaupa og selja leikmenn eins og maður vill en þó aðeins á milli umferða, við vorum sammála um að annað væri ósanngjarnt. Hann ætlar að fylgjast með þessari síðu öðru hvoru þannig að það sem við erum að spá varðandi leikinn ætti að komast til skila. Annars er ég ekkert sérstaklega spenntur fyrir þessu því að ég vinn alltaf þessa fantasíleiki. :o)

http://eyjafrettir.is/draumalid/

Komin 10 lið í hópinn Apollon:

Komaso! = ég

Wengers understudy = Gunnar Þóris??

Mendozas fat dogs = Guðni vænti ég?

Lifur = ???

Gúrkan = Bjössi

Hin forna frægð = ???

Ólafsrauður = Haddi Thor.

Góðbjór Albions = Kiddi Nonni

Butts_BlingBling = ???

Hudz F.C = Höddi???

Ég hvet menn til að gera grein fyrir sér eins og áður sagði, svo kemur þetta í ljós þegar á líður, maður þekkir mann og allt það. Samt alltaf gaman að vita á hvern maður er að skíta.